وزني السبب الرئيسي اللي يخليني بشعه >_< 2024.

هلا والله ببنات المنتدى .. شحالكم؟ عساكم بخير و سهاله ^_^

اممم انا بنت مراهقه و البدانه اثرت واايد في حياتي .. تخيلوا اني من شهوور ما سرت شووبينق بس لني متيينه =(

حتى قبل خسرت 7 كيلوات و بنات المدرسه قالوا اني وايد ضعفت و استانست بس بعدين مادري شو استوى بي ودرت الرجيم

ابغي منكم طلب واحد و اتمنى انكم ما تخيبون ظني ^^

ابغي تشجييع حلو و تشجيع مرر خخخخ .. يعني مكس من الاثنين ^_^

في انتظاركم ^^

اختي شدي حيلج ..وسوي رياضة و اكثر شي اشربي ماي ..

مثلاً قبل الغدا اشربي ماي عسب تأكلين شوي ..والحين جو يساعد تتمشين ..سري ع الكورنيش تمشي..

قللي من اكل ..لا تأخذين ادوية التخسيس ترى ما بيفيدج ..وان شاء الله يخف وزنج وتستوين رشيقة ..

بس ابغي اعرف كيف نظام اكلكم ..ابغي آكل شراتكم ..<<حليلي خيزرانه ..

وايد تفلسفت ..وربي يعطيج العافية اختي ..

اهم شيء العزيمة
والمشي كل يوم على الاقل نص ساعه
لاتكثرين من الاكل
واعتمدي 5 وجبات باليوم بس
ولاتاكلين بين الوجبات ولو حسيتي عمرج يوعانه اشربي لج عصير انناس
وسوي لج خلطة الزنجبيل مع الكمون والنعناع طبعا هاي للكرش
ونطي الحبل اذا متوفر عندج
ونفس الشيء رياضة السيكل وايد مفيدة
الله يوفقج وتخفين ها الكيلوات

وتصيرين رشيقة
وانا بعد ^.^

ههههه هههههههههههههه أنا بعد من يومين مسويه رجيم رغم إني مب وايد متينه بس فيني كرش هذا وراثه بس معقد حياتي لكن جسمي وايد مخصر وحلاته بالتنانير لكن لازم أضعف قمت ما أتغدى إلا سلطات وأمشي فالبيت وأتعشى بيض وخبز وأشرب لبن وأناناس يمكن بعد نفسيتي تغيرت بسبب عرسي قرب عشان جي أكل شوي شوي بس تحسي إنج خفيفه أهم شي شربي ماااااااااااااااااااااااي بتشبعين واااااااااااااااااااايد

اذا كنتي حابه تضعفي لازم تتعبين بالاول وبعدين انشالله بتشوفين نتيجه حلوه وكلي خضاااااااار وفواكه باعتدال لانه في اعتقاد خاطيء ان الفواكه ما تنصح والله انا كنت متينه وسويت رجيم والحين استويت مليكان هههههههههههههه امزح لكني شفت نتيجه الضعف وثقتي بنفسي شلون زادت

هلا حبيبتي والله الوزن الزايد مشكله أنا اعاني منها مره انزل ومره ارتفع المشكله في الكرش ولا كله عادي اذا كان عندج حل لتنزيل الكرش اتمنى انج تقوللي بس كيف نزل وزنج 7كيلو في مدة شهر او اقل او اكثر حبيبتي ردي علي ومشكوره وسلامي للجميع

لازم تنقصين وزنج يالدبه <<تبا تشجعها

انا ابغي انزل وزني 5 كيلو ومب قادرة وريلي يعايرني ليل نهار عسب جي تلاحقي عمرج يمكن اطيحين في ريل مثل ريلي ..