كيف الحال
طبعا اول مرة ادخل هالقسم
و راح يكون قسمي الثاني بعد الولادة
انا والدة من 2 اسبوع قيصري
ولدي صغير حجمه تقريبا 2 كيلو و 200
من انولد و هو ما قادر يشرب حليب صدري
لان الحلمات سطحية
فاستخدمت الحلمات الثناعية و الشفاطة
و كل هذا بروحه موال
كرهت الرضاعة و سيرتها
لاحظت على ولدي هاليومين كل ما شرب حليب
يتبرز و لو قليل
يعني بعد كل رضعة لازم يتبرز
بصراحة صرت ابدل له في اليوم اكثر من 12 حفاظ
و كله اليوم يبكي
تقريبا من 5 المغرب للحين ما رقد كله صياح
ما اعرف وش اسوي
عطيته دواء الغازات انفاكول
بس ما يفيد
يا ليت تنصحوني
وش اقدر اسوي
هل لازم اوديه الطبيب باكر
والولد عادي اذا يتبرز بعد كل رضعه طبيعي ما فيه بروبلم بس الأطفال بها العمر تكون مشكلتهم غازات او إنج تسبحينه وتنظفيه عدل بعد السبوح ينامون و دفيه عن البرد
ما اعرف بس ان شاء الله يكون بخير وشي طبيعي
الف مبروووك على البيبي بالتوفيق اختي
للحلمه حاولي تسوين مساج وتسحبين الحلمه بالخفيف الشفط يساعد خليه يرضع عادي ما عليه اتحملي شوي
اذا يسويها بعد كل رضعه عادي لكن اذا تحسين بزياده وديه لاختصاصي أطفال مب دكتور عام
قمطيه الياهل توه طالع من البطن فكان ملموم حاولي تقمطيه وبيرقد ان شاء الله
الله يبارك فيه ويجعله من البارين