بنات انا تقدم لي واحد يكبرني بجمن سنه أرمل وعياله عند يدتهم من أمهم وبعدنا ما سألنا عنه وما اعرف عنه غير انه ريال مصلي من المسيد للبيت . . وأنا مطلقه وعندي بنوته عمرها 10 سنين
ومحتاره وايد لما درى الوالد قال للوالده لا تعرس خليها تربي بنتها لأنها ما بتصبر عنها يعني يمكن ما يوافق : (
وأنا يا بنات ما تهنيت بزواجي القبلي صارت مشاكل بين الأهل وهو ما صدق وطلقني وماطلعت منه غير بهالبنوته ولا شفت مهر ولا مؤخر لاني تنازلت عنه تحت ضغطه عشان يطلق أو يخليني معلقه والحمدالله هذا نصيبي
بس مو معقوله أدفن نفسي وأربي بنت طليقي وهو متزوج وعنده عيال ومرتاح ولا يحاتي هالبنت اللي حتى مصروف ما يعطيها وحتى لو بغيت أشتكي محد واقف وياي من أهلي ومحد بيراكض لي بالمحاكم الكل لاهي بحياته
بنتي تباني أتزوج وتبا تروح تسكن عندي وأنا للحين مب عارفه اذا هالريال بيرضى ببنتي تعيش وياي او لأ ؟
والله غامضتني ومابي أتركها الحياه صايره تخوف ومحد بيباريها كثري حتى لو خليتها عند امي بيلس أحاتيها : (
بس أنا يالسه أفكر في باجر كلها جمن سنه وبتكبر بنتي وبتتزوج وبتسير بيت ريلها وأنا شو بسوي ساعتها اذا اليوم وأنا صغيره بس باجر من يبغيني
واخواني وخواتي تزوجوا وانا ايلس أتحسر على حالي
بليز بنات شوروا علي
واذا هالريال طلع زين مابي افوته من ايدي بس اشلون اقنعه في بنتي وهل بيرضى تعيش وياي أخاف اذا شرطت عليه يرفض
وادعولي الله يفرج همي ويسهلها علي
ولكم بالمثل ان شاء الله
اولا ليش الانانيه ربي بنتج وبس
انتي انسانه لج مشاعر
لازم بتحتايين لج سند وريل
هلج يمكن خايفين ع بنتج ياثر عليها زواجج بس لازم تتاكدين من الريال عدل
عشان لا تتوهقين انتي وبنتج
واهم شي انه يتقبلها الريال تعيش عندكم
نصيحه استخيري واسالي عن الريال عدل لانه هذا امر مصيري لج وبنتج
واقنعي هلج اذا الريال طلع زين
وربي يوفقج ان شاء الله
وبنتج ابد ابد لا تتركينها حرام بتفقدج وايد اشرطي عليه طبعا بنتج عندج وافق كان خير ما وافق هذا من رب العالمين مكتوب والله مابيضيعج خلج واثقه برب العالمين
وكثري من النوافل والاستغفار وكل شي بينحل إن شاء الله
اسألوا عن الرياال واشرطي عليه بنتج تكون معااج00واستخيري
والله يسعدج وايسر امورج حبوبة
اختى عليج بالاستخاره
عتبي عليج يوم تقولين بنت طليقي .. هذه بنتج مب بنته من حرمة ثانية
هذه فلذة كبدج حملتي فيها وطلعت من احشائج .. يعني بنتج قبل ما تكون بنت طليقج !
وعلى موضوع الزواج استخيري ولو فيه خير الله بيسر امرج من حيث لا تحتسبين وتشوفين الريال موافق على شروطج ووجود بنتج وابوج بيغير رايه وبيبارك لكم ،، والأمور بتكون تمام التمام
وبعدين أشرطي أن بنتج تعيش وياج
إذا رضى توكلي على الله وتزوجي