من اول يوم انولدت فيه كنت اعيش معاناه مع السمنة
الله يبعدها عن الجميع
انولدت دبدووبة ماشااءالله والكل منبهر خخخخ
عشت ايام صعبة في حيااتي بين نااس متقبليني ويحبووني وبين ناس واااايد واكثر منهم مب متقبلين شكلي ولا حتى يحبووني ويحاولون بشتى الطرق انهم يجرحووني
تعرفوون بنات البنت المتينة وخاصة اذا كانت ماشااءالله جميلة دايما تكون تحت المجهر
انا وايد كنت الفت النظر من خلال جمالي الحمدلله مب بس انا حتى خواتي الثنتين كلنا مشااءالله ملكات جمال بس كان عيبنا السمنة
بتكلم عن نفسي شوي وعن معاناتي
وايد وايد كنت محرومة من اشيااء (طبعا لين الحين لاني بعدني ماضعفت )
في الابتدائية ماكنت اشاارك مع زملائي في حصة الريااضة وكنت اتم يالسة ا طالعهم
انا طوول عمري ادرس في مدارس مختلطة
فتخيلوو كيف المنظر يووم الاولاد يتمون يتمصخروون
على فكرة انا ماقوول ان كل النااس كانووا يتمصخروون مابا انسى ان في ناس عمرهم ماحاولوو يجرحووني واللي انا صدق احبهم من الخاطر اصدقاائي واقااربي
وفي ناس كان يسووون عمرهم قلبهم علي وكانوو يتعمدوون جرحي واوونهم ينصحووني اني اضعف
بس اسلووبهم يكوون كله جرح وتهبيط للمعنويات وغروور <<<<كيف بضعف وبشد حيلي وهالناس يسوون جيه
المهم مرة الاياام وخلصت مرااحلي الدراسية لين الثانوية ودشيت الكليه بدت المعانا تكون واضحة اكثر واكثر
يوم كنت اكشخ واتعدل والكل يتم يسالني من وين يايبة هالشي وكيف سويتي جيه مادريشووه
قصدهم على اللبس والميك والكشخة
بس كنت دايما احس بالنقص يووم كنت احس اني الوحيدة الي دبة في المكان
واني لو وفقت عدال وحدة حتى لو عيووز ابين اني امها من ربيعتها خخخخ والله حالة
حتى يووم كنا نطلع والا اسير في مكان مختلط كنت احس بالفرق اكيد فاهمين علي
المهم بديت افكر في نفسي سويت طبعا ريجيم عند الشمري وضعفت 16 كيلوو يعني اللي يشووفني من بعيد ماكان يعرف اني فلانة ماشاءالله طبعا ربيعاتي اللي احبهم هم اللي ساعدووني في هالشي
ووحدة من المنتدى فديتها هذي ربيعتي الحقيقة اللي احمد ربي ليل ونهار اني لقيتها |((حمدة القبيسى ))
كانت تشجعني وتووقف معايه بكل الطرق سبحان الله رب اخ لم تلد امك
الله لا يحرمني منها
المهم ماضعفت طبعا انا وزني وايد عالي يعني ضعفت الربع خخخخ
انزين وقفت سنة وانشغلت كان عندنا رمضان واعرااس وتخرجي من الكليه انشغلت وايد
وكان عندي امل اني في يوم من الاياام اسوي عملية ربط المعدة وكان قلبي سبحان الله
مطمئن اني بسويها طبعا انا مارووم اسويها على ثقة عشان اسبااب خاصة
انزين وظرووفنا ماتسمح اني سويها بس مثل ماقلتلكم قلبي كان وايد مطمئن واختي تقوولي حاول تقنيعين امي وابووي يسووولنا العمليه وكنت اقوولها لو يبوون يسوون بيسوون انا مابقنعهم
وكنت مثل مايقوولون حاطة ايديه في ماي باارد
مرة الاياام واتخرجت من الكليه الحمدلله وشفت وايد تجارب ناس حوولي يضعفوون ويستون احسن
وانا مكانك سر
لين ماييا اليووم اللي قررنا اانا وخواتي ان نقنع امي وابووي يسووولنا العمليه
تمينا نصيح ونقوول لامي لين متى بتنم على هالحالة منوو بياخذنا وتمينا نقوولهم قصصنا
ولين مافكرووا ووافقووا وسبحان الله اتيسسسسسسر كل شي ماشاءاالله
خذنا موعد وسرنا وحدوولنا العمليه على تاريخ 4/10/2009
بس يانا اتصاال قالوولنا مانقدر نسويلكم لان الدكتوور بيكون مشغوول هالتاريخ
ممكن تكون عمليتكم بااجر قصدهم 27/9/2009
طبعا ماكذبنا خبر وافقنا
وانا حبيت اني اشاارككم القصة واليووميات
ان شاءالله لو ربي كتبلي عمر عقب العملية
بجاوبكم على كل الاسئلة اللي حابين تعرفوونها
العملية بنسويها باجر ان شاءالله 27/9/2009
في مستشفى النوور على يد الدكتوور عبدالسلام الطائي
سعرها بدوون ثقة شاملة كل شي التحاليل والاشعة والاقامة في المستشفى وكل شي
25 الف درهم مع سنة مراجعة
طبعا اول شي خذنا موعد في التليفوون
ورحنا قابلنا ادكتوور وشرحلنا العمليات اللي عندهم ابووي فضل عملية ربط المعدة
وقاس ووزننا وطولنا دفعنا حق الكشف 250 درهم للشخص خخخ بما اننا ثنتين
وبعدين رحنا نسوي تحاليل الدم وتحالليل الدم تختلف من شخص لاخر يعني انا اختي كل وحدة دفعنا 650
وبعدين رحنا سوينا الاشعة على الصدر دفعنا كل وحدة 180
بعدين اخر شي رحنا عند دكتوور باطني طبعا بدوون فلووس عشان يقوولنا موافقين على العملية والا لااء
المهم هالفلووس كله مخصوومة من العملية كلها
ادعوولنا باجر نقووم بالسلامة وان شاءالله بخبركم بكل جديد وبشجع اللي ناويين يسوونها
يلا لازم اسير ارقد عشان انش مصحصحة خخخخ
تصبحون على خير
فديتج والله
يااااااااااااااارب تتوفقين فالعمليه وتقومين بالسلامه وترجعين لنا مستانسه وتشاركينا بيومياتج ونتعرف عليج اكثر ^^
من كل قلبي اتمنالج الخير
ودعواتي لج الغاليه
المشاركة الأصلية كتبت بواسطة cuta 
فديتج والله
يااااااااااااااارب تتوفقين فالعمليه وتقومين بالسلامه وترجعين لنا مستانسه وتشاركينا بيومياتج ونتعرف عليج اكثر ^^
من كل قلبي اتمنالج الخير
ودعواتي لج الغاليه
فديتج الغاليه
استانست يووم شفت ردج
ان شاءالله ياارب
مشكورة وماقصرتي
سعيدة بردج
ربي يسهل عليج العملية ويوفقج . ,
وان شاء الله يتحقق كل اللي فخاطرج يار ب وتضعفين والكل ينبهر بج
ليش جيه آلنآس مآترحم
وآلله آلشي بآلأخلآق هب بآلشكل
عورتـي قلبي رآعية آلمكيآج
بس مآعليج حبوبة انتي آلأفضل وآلله
وان شآلله ان شآلله بتقومين بآلسلآمة
ونشوفج منورة آلموضوع بلوكج آليديد
وتخبرينآ عن يوميآتج آلحلوة وانتي بصحة وعآفية ان شآلله
عسى ربي يقومكن بآلسلآمة وتتغير حيآتكن للأفضل ان شآلله ^_^
موفقة آلغآلية وآلقلب دآعي لج
؛؛