انا ناوية اسافر الصين وما اعرف شي الي عندها اي معلومات تفيدني عن الصين من ناحية السياحة والاسواق يعني
سرت الصين العام اللي طاف ….. لا يعرفون لغه ابدا والتعامل وياهم صعب جدا واعتمدنا على الصور وبعض البروشرات اللي تكون موجودة بالفندق بس نرويهم الصور بدون كلام ….. والاكل خلج على البيتزا النباتيه اظمن ولما كنا نطلع بالتكسي نشوف لوحات مطاعم اسلامي بس ووووهقه مايعرفون ونحنا ما نعرف اي شيئ وبأي منطقه وشو اسمها لان العناوين اللي بالشارع كلها باللغه الصينيه …. وسكنا بالعاصمه بفندق بكين ونفس الفندق اللي استضاف الوفود الاداريه اسمه بيجنغ هوتيل يعني(0 فندق بكين)) وكنا اصلا يايين من تايلند ويبنا ويانا موونه مثل ((كورن فلكس …وحلويات -وشبس وجبن مثلثات-وبعض الصمون والمعجنات والنودلز ….ونأكل قبل لا نظهر من الفندق عالساعه 12 او 1 نودلز ونسير نتمشى ونرد بس ناكل فواكه او كون فلكس …………. رحت الصين لان اغلب بضايعنا منها وقبل لااسافر اخوي سافر اكثر عن مرة لها كشغل ورابع سفرة سار ويا مرته وخواتي وهو ما شاء الله خبرة بس هم سكنوا بشنغهاي وانا سرت بكين …… وعندج سوق الحرير (( silk market)) ويتكون من 4 او 5 طوابق وفيه كل شيئ ملابس حقائب شنط كل شيئ …………. سوق اللولو ((pearl markt)) يتكون من 4 طوابق طابق الكترونيات + طابق الملابس + طابق الحقائب+طابق اللولو وكل شيئ اقصد الاكسسوارات من اللولو ……. هذيلا اكثر سوقين استمتعت فيهم ….. وشعب طيب وظريفييييييين واذا رحتي بتعرفين شو اقصد ما يهدوووونج ويمسكونج عسب تشترين منهم واذا مسافرة ويا ريلج بتشوفين انهم عادي يمسكون ريلج ويتلزقون فيه عسب يشتري بس والله انهم تحف وونااسه ….وعملتهم روبن ……. 8ساعات فرق التوقيت …. رحنا عش الصقر ومبنى الالمبياد ……وعلى فكرة نسيت اقول يوم وصلناالصين ونحن بالفندق شافنا شخص عربي عارف الصين وعطانا معلومات وفادنا وايد بالسوق …….. وعندي ملاحظه لج مهمه (((( وانتي تشترين وسألتيها عن سعر شيئ بتقولج 3000روبن اتركيها وسيري عنها لا تجادليها وبتعطيج اله حاسبه اكتبي السعر اللي تبيييييييييينه انتي يعني قالت 3000 تقريبا عندنا 300 درهم حطي عالاله الحاسبه 450روبن ((45 درهم)) وسيري عنها يعني بأختصاااااااااااااااار كاسيريهم بالقو وهالمعلومه خبرني اخوي عنها عطيها السعر وسيري عنها اذا ما رضت وبتم وراااااااااااااااااج لين ما تشترين بسعرج ………….. واي اسئله انا حاضرة ………وني هااااااااااااااااااااااو
للررررررررفع
بصراحه الصين وايد حلوه رحت الها مرتين ولا تحاتين الاكل كل شى فيها ومطاعم عربيه وراقيه ونظيفه مثل البيت اللبنانى والمطعم التركى والمصرى وفى سوبرماركتات بعد عندهم كل شى والسوق وايد حلو
خاطري اروح شنغهاي
مشكورين على الردود الطيبة والمعلومات الزينة واتمنالكم كل التوفيق
المشاركة الأصلية كتبت بواسطة غلا الروح 1 
بصراحه الصين وايد حلوه رحت الها مرتين ولا تحاتين الاكل كل شى فيها ومطاعم عربيه وراقيه ونظيفه مثل البيت اللبنانى والمطعم التركى والمصرى وفى سوبرماركتات بعد عندهم كل شى والسوق وايد حلو
اكيد سرتي كوانزو لاني سمعت اغلب التجار اتيب بضايعها من هناك وشيئ عرب لان كوانزو مدينه تجاريه واللي يبا يشتري يكون بالجمله بس انا ما سرتلها …. وكوانزو فيها مطاعم عربيه بسبب التجار العرب اللي يستوردون البضاعه منها ….. انا سكنت بالعاصمه ((بكين)) ولقلللللللللللللللللللللللله العرب واذا موجودين بتحصليهم من ايران او باكستان اعتقد ..عسب جذيه نخاف نأكل اي شيئ
وانصحج اي شخص بيسافر الصين يحااااول يجمع قد ما يقدر من معلومات عنها عسب ما يتوهق …..