اباا معلومات زيادة من خبراتكم في ماليزيا و رايكم 2024.

…..السلام عليييكم ورحمة الله و بركاته …..

نحن أن شاء الله قررناا نسير ماليزياا في نهاية واحد

بنسير لنكاوي اربع أيام في فندق
Meritus Pelangi Beach Resort & Spa

و بنسير سلنجور يومين في فندق
Sunway Resort Hotal & Spa

و العاصمة طبعاا اربع ايام في فندق
Renaissance Kuala Lumpur hotal
خصصنا يوم كامل لجنتنغ من غير مبيت

خواتي شو رايكم في الفنادق ……. الي سارت تعطيناا معلومات و نصائح
الرحله لي و زوجي و بنتي
شو تنصحوني اشل للبنوته
و شو أغراض للمطبخ

انتظر ردودكم

و مشكوووورات مقدما

حرام عليكم 46 مشاهده و لا رد واحد على الاقل

موفقه غناتي في اختياراتج
سبق لي سكنت في بيلانجي بيتش في سهر عسلي في لنكاوي ومنتجع سن وي لاجون ممتاز بس اللي فالعاصمة ما اعرفه
حلوة ماليزيا وانصحج دي موقع دليل ماليزيا بيفيدج بالنسبة للمعلومات
للبنوتة اخذي ادويتها وجدر عيش صغيورني عشان تسوين لها عيش لين وروب وسناك خفيف بسكويت سيريلاك وجي
واذا بتسبحينها شلي لها لبس سباحة حلو
انصحج بالتسوق من العاصمة بتعيبج ان شاء الله

مشكوووورة ام خلفان77 على المعلوماات
الله يرزقج جنة الفردوس

موفقة الغالية انا سرت لها في الصيف الماضي مع عيالي وايد استانسو لانكاوي ماسرت لها سرن بينانج سلنجور يلسنا في نفس الفندق روعة وجنبه المول فيه كل شئ سيرو المايلز واركبوا السفينه حلوة العاصمة يلسنا في التايم اسكوير روعة مول +العاب+سكن عندهم الاكوريوم وايد حلو وعندهم النادي العلمي في سوريا مول وايد حلو بعد القرية الفرنسية شوي الي يتكلمون عنها الصراحة كانت رحلة وايد حلوة الاكل ما اعرف لان عيالي كبار فكنا ناكل الفواكه -الفاست فود-من المطاعم -احلى شئ البيتزا رحلة موفقة اي سؤال انا حاضرة

مشكووورة اختي
الامل2005
على المرور

بس حبيت اعرف اذا تعرفين اماكن اقدر اشتري منهاا هداياا للاهل

صح بنوتي فديتهاا الله يحفظهاا عمرهااا 8 شهور

هلا اختي

بالنسبة لـــ فندق لنكاوي ما اقدر افيدج لاني ما سرتلها ….

اما بالنسبة لفندق سلانجور حلو …

اما فندق العاصمة غيريه و خليه الماريوت احلى و على شارع العرب …

بالنسبة لــ جنتنغ وااايد عبيتني و تميت فيها يومين لو ادري انها حلوه جان طولت … انصحج انج اتمون فيها يومين لانها وااايد حلوة و ما تنمل …

اتمنى اني افتدج و اذا عندج اي سوال انا حاضرة …