الشي الملاحظ في الحج تفنن الحملات في ابتكار درجات ألوان للحجاب الموحد في الحملة عشان ما يضيعن الحريم.
البنفسجي
والبرتقالي الفاقع
والاخضر الفوسفوري
والاصفر الناري
والبوصي
والكركمي
والوردي الهادي
والـ bubblegum pink
والفستقي
والفوشيا
والاورجواني
والزمردي
والعنابي
بألوان مختلفة..
وفي وسائل تفنن أخرى..
مثل تطريز اسم الحملة على الحجاب
أو وضع ملصق على الحجاب
أو وضع علم البلاد على الحجاب
وهناك تفنن من نوع آخر..
شو رايكم ؟
لكن الاخضر الفوسفوري هو اللي دايما كسبان
كل حد يصرف نفسه
شوفو هذا شقايل متيود في السيارة ؟!
منظر استوى مألوف
صدق ان اللي يبا الصلاة ما تفوته
شو نتيجة الانتظار لساعات في الزحمة ؟
غفوة ..
يليها رقاد ..
هذا دليلنا محمد مال حملتنا
وجه يشع بالنور
التضرع في الدعاء
اللي لفت نظري هذا الحاج في منطقة عرفه ، وقف هذي الوقفة لأكثر من ساعة
وهو يدعو بهذا الخشوع ..
الله يتقبل منه ان شا الله
يوم شفت هالثنينه قلت حق ريلي : اللـــــــــه I want us to grow old together! مثلهم .
قالي : لو سمحتي اتكلمي عن نفسج ! أنا بأتم طول عمري شباب خخخخخخخخخخخ.
على ويهه استفسار : وين طريج الطلعة ؟
عيال الطلاليب عند الرمي
نظرة من أعلى على الحجيج
وجه من الزحام
مسكينة تعبت من المشي ..
وهذا بعد تعب ..
وحتى البيبي تعبت وبدت تصيح
مشي متواصل .. لا كلل ولا ملل
شو رايكم في ثياب العيد المطرزة ؟
تشوفون هذا "أطول واحد في الحارة؟"
بغى يسرع تشان ينزل راسه عشان يركض ،
فمن بد كل الناس ضربني براسه في ضلوعي !!
لكن من كثر ما كنت أنا في حالة نشوة بعد رمي الجمرات ..
قلت له بالحل ! مسموح !
سبحان اللي خلاني أمشي بين كل هالجموع بدون ما أتعب !
لقمة عالماشي..
قراءة سريعة..
حجي ..
وحجية ..
وحجي وحجية متوجهين لإتمام المناسك
والله يعودنا وإياكم على هذه الايام المباركة في أطهر بقعة على وجه الارض.
كان ودي أحط لكم صوري وأنا رافعة علامة النصر بعد ما أديت المناسك ،
لكن "أعمل إيه ! أصل جوزي حمش ! ما بيرضاش ! خخخخخ"
ترقبو تقريري القادم : رحلة ^الدماني^ الى فندق أتلانتس
وماشاء الله عليج تابعت كل الأجزاء واااااااااااااااااايد حلوين الصور
والله يرزقني زيارة بيته الحرام