بغيت اسمع رايكم بموضوع عدد الرضعات فترة ( الليل ) للبيبي اللي عمره 4 شهور وفوق يعني من يبدا ياكل تقريبا
هل صحيح ان لازم نعودهم خلاص ان مافي رضعات حليب في الليل؟ اقصد بعد موعد نومهم يعني ما نعودهم كل ما يقومون نعطيهم حليب…لين الصبح ..عشان خلاص يعرفون ان هذا موعد نوم ويرقدون متواصل لين الصبح وما يقومون قومة دلع ويبون يمصون وبس ؟
وقريت ان اذا قاموا نعطيهم ماي او اعشاب بس مش حليب
انا بحط لكم راي وحده من الخوات الله يذكرها بالخير شرايكم بكلامها؟
وهذا كان راي اكثر من وحده وفعلا جربوا هالشي مع عيالهم من عمر ال5 او 6 شهور والحين مرتاحين ينامون متواصل خلاص ما يقومون عيالهم في الليل يطلبون المرضعه او الصدر
هذا رأي احد الاخوات سويتله اقتباس:
بصراحة انا مستغربة من الي يقولون ان الرضاعة الطبيعية متعبة !!!!
لان انا و امي و اختي و كثيييييير من الي اعرفهم يقولون اسهل شي الرضاعة الطبيعية
انا الحمدلله ارضع بنتي طبيعي 100% و اطلع و استانس و اروح مولات و اتمشى و معاي بنتي و ما تسويلي مشاكل اتتم 3 الي 4 ساعات بدون رضاعه و اول ما ارجع البيت ارضعها
امي رضعت كل عيالها طبيعي و ليحد سنتين و ماعانت مشاكل ابداً
من بعد ما يبتدي الطفل ياكل يعني من الاربع شهور تقل الرضعات من الصدر تدريجياً الين تصير 3 رضعات باليوم فقط
و هذا بعد الصح و المفروض كل الناس جذيه لان حتى بالكتب هذا الي يقولونه الدكاترة
و الي وضعها غير جذيه معناته انها عوت بنتها او ولدها على ان يدمن على صدرها
و هذا يصير لمن الوحدة تخلي الطفل يرض في اي وقت و بمجرد ان الطفل يصيح تعطيه صدرها
ممكن في وااايد اسباب تخلي الطفل يصيح مو شرط يبي يرضع
انا لمن كنت بالاربعين توني والدة كنت كلما بنتي بجت ارضعها
و امي لاحظت هالشي و زوجي كذلك جان تقولي ديريبالج لا بنتج تتعود و بعدين تدمن عالصدر و يصير مثل المصاصة يعني بس تمصمص بدون لا تكون يوعانه
و من يومها قمت احاسب و اشوف متى اخر مرة رضعت و اشوف الساعة و احاول قدر الامكان ما ارضعها اقل من كل ساعتين (خلال النهار طبعاً)
اما بالليل ما ترضع الا مرة او مرتين و هذا الشي مضايقني احس اني مدلعتها و لازم احاول احل هذي المشكلة لان صار عمرها 3 اشهر المفروض ما ترضع يبالليل
انتوا شرايكم ؟ منو جربت هالطريقه ونفعت؟ وكيف نعرف انهم يوعانين ولا بس يبون يمصون ودلع؟
طبعا انا اتكلم عن فترة الليل يعني مثلا من 12 لين 6 او 7 الصبح
انا معوده بنتي على الصدر الحين فليل كل ساعتين او 3 ساعات تقوم
عمره الحين سته الشهور الحين احاول اعطيتها فليل مرضعه ان شاء الله تتعود بس خلاص الحين طول اليوم لزم ترضع من صدري كل ما صاحتة
الرضاعة الصناعية واااااايد متعبة إذا راحت عليج نومه تقومين على صوت البيبي وعقب ………إلخ
واحس الطبيعي اسهل بوااااايد ماجربت لان ولدي مارضع…
اما انا فا خرطي بخرطي من تنهوص عطيته الصدر…
بس انا كان ودي اعطيه بليل ماي كل الي سووها نفعت معاهم…
بس استسهلت الرضاعه و بصراحه يكسر خاطري يوعااان اعطيه ماي ما اقدر 
اما سالفت تعلمين البيبي الليل من النهار فا الي سويته بعد ما قرييت وايد من تصير 10 او 11 تغيرين له الحفاضه اخر مره و تلبسينه البجامه و تصكرين الليتات كلها و ما تكلميينه ابدا ابدا الا تصبح على خير..
ومن يصير الصبح تفتحين كل الستاير و تخلينه يشووف ترى صار الصبح و قوليله صباح الخير..
ومب معقولة ياهل يرقد 7 ساعات بدون ما ينش عشان يشررب،، أحس طبيعي البيبي يقول 3 مرات على الأقل فليل…