هلا خواتي الغاليات
الصراحه في الفتره الاخيره لاحظت وايد زوجات يخصصن لهن غرفه خاصه في البيت غير عن غرفتها الرئيسيه ويا زوجها ……… يعني غرفة نوم ثانيه خاصه فيها اتحط فيها اغراضها يعني ملابسها وعطورها ومكياجها وكل شي خاص فيها ……. علشان اذا بغت تطلع ولا كانت معزومه مكان تاخذ راحتها في اللبس بعيد عن زوجها …….. وزوجها اتخليله الغرفه الخاصه بالنوم كل اغراضه فيها ……….. بس وقت النوم يرقدون مع بعض في نفس الغرفه الرئيسيه ………. علشان جيه حبيت اعرف ها الشي ما يأثر على علاقتهم الزوجيه ؟ يعني الزوج مايحس بفراغ وان زوجته بعيده عنه خاصه اذا دخل الغرفه وماشاف اي شي من اغراضها جدامه ؟ مثل عطرها مشطها ثيابها …….الخ ؟؟
بس وين باقي البنات الصراحه زعلتوني 
احس انه شي غريب ..
بالعكس يكونون فغرفة وحدة احسن ..
بس بعد الوحده فينا تبا تاخذ راحته وبالاخص اذا كان الزوج نايم مثلا ليش تزعج تسير الغرفه الثانيه واتخلص
يعني الفكره ايجابيه وسلبيه
ريلها يعني شريك حياتها في كل شي
اكبر خطا ان الحرمة تفصل حياتها عن حياة ريلها ولو لحظات بسيطه لازم اتشركه كل شي واتخليه روحه
وهذا اللي يولد الفتور العاطفي بين الازواج وعقب ايقولن الحريم ريايلنا يخونونا وغيره
بعدين احس هل الشي ياثر خص اذا الحرمه عندها غرفتين وعندها بيبي صغير اكيد الريال بيسير بيرقد فالحجره الثانيه بحجة انه عنده دوام والياهل مايخليه يرقد وبيتعود ع هل الوضع عاد تعالي الحين وسحبيه من الحجره والله مابيطييع خخخخخخ عشان جيه الحرمه لازم تكون مفتحه عيونها ع هل الاشيا لوووووووووووولز ادري دخلت فموضوع ثاني ههههه