شحاااالكن خواتيه ،، كلن بحاله
طبعا معظمنا يحب السفر ،،، و نشم هوا و نغير جـــو
هالموضوع طبعا عنوانه هب ذاكرة فيه معنى قبلـل الـ …. و بعده
والمقصوود بالنقط ( الزواج )
يعني كل وحدة تكتب لنا كم مرة سافرت قبل لا تتزوج / تنخطب و وين ،،، وانطباعها عن كل دوولة راحت لها
وللملقوفات أكييييييييييييييد نصيب من موضوعيه >>> و ربيه شمعة المواضيع
كل وحدة من الملقوفات تحط لنا الدول اللي راحت لها و انطباعها عن كل دولة
و عنـــي أنا ،،، بسرد لكن مراحل حياتي خخخخخخ
قبل الخطبة : ماليزيا ، الهند ، السعودية >>>> زوج المستقبل كان ويانا
بعد الخطبة : السعودية و هولندا >>>> و بعد ويانا
بعد الملجة ّّ: فرنسا و ألمانيا و البحرين >>>> حليله كان بيي يا غير انه ابويه قال له البنت تقول ما أبغيه ويانا ( مثل ما ذكرت لكن كنت مانعتنه من شوفتي فترة الملجة ) … وانكسر خاطر بعلي العزيز 
و بعد العرس : شهر العسل >> جزر هاواي + هولندا
وبعد شهر العسل >>> السعودية + أمريكا + تركيا
و الحين خـــــــــآطريه أروح روما
وانطباعي عن الدول بشكل مختصر
مــاليزيا : قطعة جنة عالأرض
السعودية : حـــلوة ،، حرها حر و بردها برد و طبعا أطهر أرض 
هولندا : بلااااااااااااد الورد
ألمانيا : نقطة تجمع العرب
الهند : طبيعة فناااانة و أكثر شي عيبنيه الشلالات
فرنسا : يا لبى الشانزليزيه بسسسسسسسسسسس
البحرين : حبيتها ،، على صغر مساحتها يا غير إن أهلها طيبييييييين و متسامحين حيل >> أبغى حلوى الشويطر
جزر هاواي : ما أعتقد تنفع لغير المعاريس ،، لأنها تملل ( إلا إذا شهر العسل ترى الوضع يتغييييييييييييير احم ).
أمريكا : حبيتها ووايد نظيفة و أهلها يحترمون شي اسمه الـــوقـــت ،،، ريليه كان يقول لي إذا تأخرتي 5 ثواني يسفرونج ( طبعا كان يحاول يروعنيه لما أتأخر و أنا أتعدل )
و أخييييرا تركيا : حلوة و الجو كان رهيييييييب ،،، رحنا فالشتا و عسب جي حليله بو حارب ما استانس وايد ،،، لأنه كل يومين ثلاث يزجم ،،، و قومي يا صدوف و عابليه :/ >>> تفدااااه سعادتيه و وناستيه و الله يبعد عنه كل شر ..
والحـــــــــــين يا أموووورات أتريا تفاااااااااااااعلكن
ملقووووووووووووووووفة درجة اولى..
•°o.O ( وإن كان في الأرض فأخــــــــــــــرجه) O.o°•
•°o.O ( وإن كان بعيدا فقربــــــــــــــــــــــــــه ) O.o°•
•°o.O ( وإن كان قريبا فيســــــــــــــــــــــــره ) O.o°•
•°o.O ( وإن كان قليلا فكثـــــــــــــــــــــــــــره) O.o°•
•°o.O ( وإن كان كثيرا فبارك لنا فيــــــــــــــه) O.o°•
وناااااااااااااااسه ابصراحه
الله
ملقوووووووفه نمبر 2
الله ما كتب اني اسافر مع زوجي
سوووووويرة
بنووووووتة
ربي يرزقكن عاااااااااااااجلا غير اجل يا ربي
ام ميوووووووووووووووودي ربي يكتب لج السفر و تخبرينا
شواااخة تسلمييييييييين عالمروووور
بانتظار الباجي