شحالكم خواتي … انا هالموضوع من زمااان ابا اتكلم عنه وهو يخص :
الجراااااااااااايد الخليج _ الاتحاد _ وغيرهم كثييير
ويييييييييين ترمونهاااااا ؟؟؟
فيها اعلانات التعاااازي والله حراااااااااام ماله داعي الآيات القرآنيه يحطونها في اعلان التعازي
فلان الفلانه يعزي فلان الفلاني وخلاص صلى الله وبارك
لكن انه يحطون آيات قرآنيه آخرتها في سلة المهملات هذا فعلا الي راح نتحاسب عليه لانا شريناها بيدنا وعقيناها بيدنا
مادري هل في احد منكم خواتي انتبهت لهالشي ؟؟؟ شلون تتصرفون ويا هالجرايد ؟؟
انا عن نفسي احاول احرقهم لكن هل انا على صواب اني احرق آيات قرآنية بيدي والله اعلم وربي يغفر لي اذا انا غلطانه بهالشي
بعض الحريم عندهن خدامات مسيحيات ما يدرون انها ايات قرآنية الللللله اعلم شو يسوون فيها
انا كل خدامة تييني احاول انبها انه اذا شفتي صفحات فيها هالكتابة القرآنية قصيها وعطيني اياها … لكن بعضهن ما يفهمون شو تسوين في هالحالة
يا ليت الي تقدر توصل صوتها لهالجرايد او عندها احد يشتغل هناك تقترح عليهم انه ماله داعي هالآيات تنحط في الجرايد … يكفي انه فلان يعزي فلان والمعلومة وصلت لصاحبها
اتمنى اني ما طولت بكلامي بس شي كان في خاطري من زماان ولقيتها فرصة اني اكتبها وبارك الله فيكن
نحتفظ فيها بكرتون والحمدلله خاماتنا مسلمات ويعرفن يقرن
وبعد نحنا نحرق الايات
والحين ما نيب جرايد لتكرار الاخبار
ومرات ايييب قلم الفلوماستر مال الوسايل واشخط على الاية بكبرها وامحي اي حرف من الاية لين ما يبين شي مولية وعقب اعق الجريدة
وترومين بعد اتيمعين هالجرايد واطرشينها شركة تدوير الاوراق واعادة تصنيعها واستهلاكها