بصراحه وبدون مقدمات اللي يصير في هذا القسم من اكبر شريحه من البنات والله عيب بنات شو استوى عليكن خلاص قالت وحده اللي في خاطرها كلكن دشيتن اتقلدنها كم وحده الحين كاتبه موضوع عن انها تحب واحد او واحد راكض وراها شو صار الكم يعني خلاص ماشي مستحى عندكم ماشي خوف من الله ولا احترام لعاداتكم وتقاليدتكم يعني قبل كم سنه هل كنتن تجرأن تقولون مثل هذا الكلام كل وحده تبغي مشوره في موضوع هو عيب ينقال او ينطرأ والمصيبه وايد بنات يشجعونها على مثل هالكلام انا ادري اني بحصل نصيب كبير من اللي يعارضن موضوعي لانهن في الحقيقه عايبنهن اللي يصير
وبقولكم شي بنت العرب والبلاد بنت الامارات الاصليه ماتقول مثل هالرمسه الماصخه..!! ولا فيه بنات يكتتبن مواضيع مالها اي صحه في الواقع والهدف بس الاثاره وهذا حرام في حرام والله بيحاسبها على كل كلمه تقولها لانها تشجع على الغلط بكلامها . صار المغازل عادي وبكل جراه تتكلم الوحده فيه
ولعلمكم اللي تركض ورى الاوهام ماتنال غير التراب اخر شي لانه الحين وفي هذا الوقت بالذات الشاب عارف منوه يختار وكل وحده اكيد عندها اخو شوفوا تفكيرهم كيف بيكلمون وبيظهرون وبيسوون مصايب بأسم الحب لكن في النهايه يوم يبغي يعرس بيقول عنده اهله يدورون له وحده وبيشترط فيها 100 شرط .
ياريت اللي تحط مشكله تكون مشكلتها هادفه وممكن حد يستفيد منها بعيد عن خرابيط الحب ولتعلم كل وحده ان الله سبحان وتعالى يشوفها وعارف نيت كل وحده في اللي تكتبه. وياريت يوم تكتبين موضوع او مشكله تخصج اترفعين نظرج الى اعلى الصفحه وتقرين الايه اللي مكتوبه بالاحمر .؟؟
ياريت اتأملون هذي الايه قبل ماتخوضون في الكتابه اللي مالها اي معنى ..
ولاشلت يمين بالحق كتبت 
صدقج والله
اصلا اهي وحده الي تكتب هالمواضيع كلها