https://forum.uaewomen.net/showthread.php?t=387174
اكيد تذكرون هذا الموضوع .. انا نسيت الموضوع لاني سرت دبي مع اخوي .. والحين قاعد التصفح لقيت بعض البنات ما شاء الله عليهم فهموني وما قصرو برود .. بس بعض البنات ما يفهمون شي ويرمسون ..
اولا انا بتخبركم شي عن عاليتنا .. احنا اولا امي ما تاخذ من الاهل ابدا ابدا تشوفه كل مشاكل ونجير وبس .. واحنا الحمدلله لينا معارف وايد .. هالمعارف مثلا يسمعون من واحده تقولهم والله اريد اخطب حج ولدي .. هالمعرفه تقولها والله انا اعرف بنات وايد زينات وطيبات ومتربيات وامهم زينهم وابوهم ما عليه كلام لــخ .. تقوم هذي الحرمه تقولها وديني عند هالناس .. بس اول شي هذي المعرفه تتصل لامي وتقولها فيه ناس يبون يخطبون واحده من بناتج .. تقولهم امي خليهم يون يسلمون على البنات والي من نصيبه حلال عليه ..
يعني امي اطلعنا بس نسلم على الناس .. وهما يشفون الي مناسبه لولدهم … فهمتوني . وبعد هم الناس نفسهم يقلون وين البنات نسلم عليهم .. .. وهم بعد اونه يعني من الذوق يقلون احنا يايين نسلم على البنات .. بس هما ما يعرفونه عشان يقلون والله احنا نريد فلانه .. ونحدد الاسم بعد .. هذي مب عندنا .. وياريت يا بنات تفهمون انه كل قبيله تختلف عن قبليه .. وكل عائله لها عاده .. وكل اسره لها اسلوب .. يعني الي تقول والله احنا اول مره نعرف ناس اييون يخطبون عشوائي جذيه .. منو قالج عشوائي .. لعلمج الحمدلله انا كل خواتي متزوجين شباب محترمين .. ضباط وملازمين .. واحد منهم مهندس كمبيوتر .. والحمدلله كلهم متدينين .. والحمدلله الكل يشكر فيهم واول خواتي .. واهالهم ما عليهم كلام .. الكل يشكر فيهم .. يعني احنا بعد ما ناخذ اي كلام .. الا بعد ما نسال عن الولد زين
وبعدين انا والله ما بموت على الزواج .. ترى ادري انه قسمه ونصيب .. ومؤمنه بهذا الشي .. ولا اني في راسي وبموت لو ما عرست .. او اني غرت من اختي علشان طلعت وبتعرس قبلي .. لا والله ابدا ما فيه شي من هذا الكلام .. بس انا الي مزعلني والي خلاني اكتب الموضوع موقف امي فديتها .. يوم طلعت اختي .. ويوم اختي رفضت قالت بطلعني انا .. يعني مب حلوه في حقي اطلع عقب انا .. وخاصة اني انا اكبر منها .. والولد مب ياهل بعد .. علشان اقول مب من عمري مثلا .. لا الولد اكبر عني وعنها .. .. والي تقولي عادي بطلع .. اقولها هذا بنسبالج انتي وانتي حره.. .. اما انا اشوف هذا الشي محرج بنسبالي وعادي الناس اذواق .. يعني حتى لو طلعت وشافني .. ترى بعد هو مب من نصيبي ..
فهموتني .. اعتقد بعد بتلفون وبدورون ..
الله يهدي بعظكم
ولا تزعلين روحج إن شاء الله بنفرح فيج عن قريب إنتي وبنات المنتدى كلهم
وهذا الشي يصير الغالية لا تتوقعين الكل بيوقف معاج وبيفهم موقفج لازم بتلقين عنصر مخالف
=)
والله يرزقج بالزوج الصالح الي يسعدج يارب
ومثل ما قلتي الزوااج قسمه ونصيب
وايضا انه لكل عاايله عااداتها وتقاليدها المفرووض الوااحد يقدر ويفهم وماا يعارض هالشي
وبالتوفييج لج ولأختج