مساء الورد بناتات حريمات …
بغيت أسألكم عن شغلة …. سمعنا من أيام إن المواليد اليدد ما يعطونهم شهادات ميلاد… طبعا هالمواليد إلي أمهم عندها جواز وجنسية .. أما الأبو عنده جواز دبي ومرسوم …
صارت سالفة في مستشفى الوصل في دبي من أيام ويقولون تعليمات من وزارة الداخليه ( والله حرام عليهم ) شهادة الميلاد أبسط حقوقهم … ويبون يضغطون عليهم بأي طريقة .. هذا اليهال شو ذنبه يحرمونه …
فحابين نعرف .. عندي ربيعتي يحليلها تحاتي وهذا شهرها ….وخايفة على ولدها …
ملاحظة … حتى الليسن وتجديد ملكية السيارات … فلي تعرف بلييييييييييز تخبرنا ….
وداعة الرحمن …
************************************************** ***************************************
انا اشوف ان حرام عليهم …. ليش جيه يسون فيهم .. ناس عندهم جوازات إماراتية إلي هم أصحاب المراسيم وأبناء المواطنات تخيلوا يروحون ياخذون لهم جواز جزر القمر …ويسمونه تعديل وضع …
ناس أجدادهم انولدوا وماتوا هني .. وآخرتها تعديل وضع ….أي تعديل هذا ؟؟؟؟؟؟؟
ناس حتى مب قادرين يدرسون ولا يشتغلون عسب ما عندهم أوراق ثبوتية … يمنوعونهم من الجواز بالحلال عسب جم ورقة …. والله العظيم أنا وايد أفكر فيهم …. أنا عن نفسي ما كنت اعرف هذي الأمور إلا يوم اني قربت منهم بشكل كبير … قسما بالله اشوف الحسرة بعيونهم واحترق في داخلي… أقول لهذي الدرجة معاناتهم …
كنت اسمع عنهم قبل .. بس إلي كنت اسمعه ان أوضاعهم المالية صعبة إشوي .. بتقولون عني متخلفة .. بقولكم صح … بس فعلا انا جذا …. كنت ادعي لهم بس … بس التفاصيل أبداً والله مب كنت حاسة بشي …
وألحين طالعين لهم بسالفة تعديل وضع … طول عمرهم هني وأخرتها ينسبونهم لدولة ثانية ما يعرفون عنها غير اسمها … وبجذا اونهم حلوا المشكلة … سبحان الله الدنيا صارت أوراق عسب يحسبون لشخص حساب أو قدر … أاااااااااااااااااااااخ يا دنيا
ملاحظة … لو سمحتوا مابي هجوم من حد … وخاصة إلي يتحاسدون على غيرهم …. البدون وأصحاب المراسيم وأبناء المواطنين هذيل لهم حق فالدولة حالهم حالنا … فلي عندها رمسة شرات العالم ترمس وإلي بتقعد تخربط تحتفظ بالرمسة لنفسها …. أنا نزلت الموضوع هذا عسب نستفسر للحرمة … يعني ناخذ ونعطي والسموحة منكم…
ان شاء الله الاخوات يخبرونج ,,
و خير باذن الله 
المشاركة الأصلية كتبت بواسطة وصلاويـه23 
الغالية … سالفة شهادة الميلاد هذا الشهر …والأبو والأم متوهقين في ولدهم يحليلهم…