الطيبه بهالزمن ما تنفع .والمصلحه صارت تجري بالعروق 2024.

اسلام عليكم ورحمة الله وبركاته

اليوم يايه افضفض واطلع اللي بخاطري واللي كاتمته من فتره طويله

واتمنى تنصحوني وتسمعوني

انا من طبعي كتومه يعني مو كل شي اقوله ومو كل شي اطلعه

ومن طبعي احب اساعد الكل حتى لو بكلمه حلوه المهم اني اخفف عاللي جدامي حزنه وتعبه

اي وحده تجي تشكيلي احب اسمع لها واوقف جمبها واسال عنها واراعيها

يمكن في منكم بالمنتدى يعرفوني عدل وفي منكم لا

بس والله اني ما امدح روحي وربيعاتي يشهدون لي

من طبعي يوم أآخي وحده واقولها انتي بمثابة اختي فعلا ومن خاطري اعتبرها اختي مو ربيعتي اختي

واقدر واثمن هالكلمه

من كثر ما انا ولله الحمد احل مشاكل اغلب ربيعاتي صارو يلقبوني مصلحه اجتماعيه

استانس لما اعطي وحده منهم حل واشوف مشكلتها انحلت وتجي تبشرني

بس اللي انصدمت منه مع الايام

واللي حز بخاطر يمع الايام

ان البعض منهم البعض مو الكل

يلجأوون لي وقت المصايب بس يعني اذا طاحت بمشكله تجي عند جوجو وتفظفظ وتصيح

ويوم تنحل المشكله واهون عليها واعطيها حل خلااااااص تفارج وتنسى جوجو

يحز بخاطري هالحركات

يعني وقت المصلحه والمشوره ايووني ووقت ما الدنيا اتكون اوكي وياهم ينسوني

وفي منهم بالبدايه ايكونون تمااااااااااام وشوي شوي تبعد تبعد تبعد تبعد وماعرف عنهم ولا شي

ومنهم لو تعرفن على وحده يديده ينسوووووونج ويركزون عاليديده ويعطونج بو لباس

خواتي ولا وحده تعاتبني عاللي اقوله

انا انسانه تعرفت على واااااااااااايد بنات وعندي ربع من ايام الابتدائيه في منهم للحين وياي ومنهم الدنيا اخذتهم ومالومهم الدنيا تشغل الواحد وعاذرتنهم يميع وربي

بس انا ارمس عن الفئه اللي تذكرني وقت المشاكل ووقت مايكون مافي مشاكل ولا تعبر ولا اللي يبون مني خدمه اسويها لهم ويوم اسويها يشكروني وخلاص يقطعون لدرجه ان في اشيا يطلبونها مني وربي اوقات اسويها مع ان يكون عندي ظروف بس اسويها عشان اساعدهم واخرتها يوم خلاص تخلص الخدمه اللي يبونها يقطعون ولا يعرفونج

انا انسانه اقدر العشره بشكل كبير ما تتصورونه

واحب اللي تخاويني هي بعد تقدر العشرره واللي ما تقدر العشره انا بعد ما اقدرها

انا صج واااااااااااااااااايد طيبه بس هالفئه من البنات ماعرفوني عدل وماعرفو ان ممكن من حركاتهم هاي اغبر بويهم وابيعهم شرات ماباعوني بس العشره ماتهون عليه

وفي منهم اوقف وياهم وقت الحاجه واداريهم واساعدهم ولما انا احتاجهم بوقت الشده واباهم يوقفون جمبي ويساندوني ولا يحسون فيني كله نفسي نفسي

مع انهم يكونو مرو بنفس اللي انا امر فيه يعني ناس مكانهم بيحسون فيني لنهم مرو بنفس اللي امر به

بس للاسف احسهم بهاللحظات صنم مايحسون ولا يراعون ولا يقولون مرينا بنفس اللي تمر فيه جوجو يعني نحن لازم نكون اكثر ناس نحس فيها

بس للاسف للاسف للاسف ما احصلهم جمبي بهالاوقات

بالعكس احصل ربيعات ثانيات حاسين فيني اكثر عنهم

اعتبرو هالصفحه صفحة فظفظه حقي

لني كتومه واااااااااااااااااااااااااااااااايد احب اساعد الغير اكثر من روحي واللي بخاطري ما اقوله الا ناااااادرا وما اقوله كله بعد

يعني الحين ممكن اكون مظااااااااااااايجه وبموت من الظيج بس بتشوفوني اظحك واسولف وافرفش كان مافيني شي

بس انا فيني حتى ربيعاتي يستغربون عليه

بس انا جي طبعي

احب اقول لكل وحده فيها هالطبع اللي قلته مب كل يوم الواحد يحصل له ربيعه ولا اخت بمعنى الكلمه

فيوم تنوين انج ترابعين رابعي من قلبج ولا تخدعين ربيعاتج ولا تتمصلحين وياهم خلج وياهم دوم سيده

عشان وقت الشده تحصلينهم وياج

والسموحه جان طولت عليكم

اعتبروها فضفضه

^^

يمكن رمستي مخبقه شوي خخخ حبيت اطلع اللي بيوفي وماعرفت ارتبه عدل

هيه و الله وايد ناس جذي
مصلحجييين
يوم الي يبون الشي يلاحقونج من مكان الى مكان و لما تعطينهم او تسوين لهم هالشي يقولون لج مشكوره و يختفون عنج ليييين ما تجيهم مشكلة و يذكرونج و ايوون يصيحون و كانهم مساكين
بس كل شي محسووب عند ربج يا الغالية
لان الشي الي سويتيه و ساعدهم و هم نسووه الله ما ينساه
هذا كله في ميزان حسناتج فديتج
و موووووفقة الغلا

وآآفدييييييتج جوجوووووتي مآ آتوقعت انج جيييييه يآآ بختي فيج آلله لآآ يحرمني منج يآآآآآآآرب وللاسف هم الخسرانين

والي شرآآت بق بق بق بق بق بق طآآآآآآآف دام العشره هآآنت عليهم لآآ تتوقعين شي منهم

نعطيهم عذر فتره طوؤوؤويله معقوله حتى بمكامله ولا مسج ما يرومن يطرشن انا ياما عذرت

بس بالاخييييييير بدا غلاهم يقل ف قلبي لاني عزيتهم آقوووى شي وانصدمت فيهم عادي

وآلحيآآة حييييييلوؤوؤوؤوه لآآ آتكدرين خآطرج فدييتج كم بنعيش فهآلدنيآآآآآآآ ^^

وقوؤوؤلي آلحمدآلله ع كل شي فدييتج وآلله بعد هب عآآرفه شو آكتب لج موآآآح حيآتي >> مآ آصطلب ..~

يقول المثل سو خير وعقه بحر

تسلمون حبيباتي عالمرور

وصدقتي مبدعه سو خير وعقه بحر وهذا هو اللي انا اسويه بس العشره ماتهون عليه

وسبحان الله وربي مرات اكون عارفه ان فلانه بعدت مصيرها ترجع لو طاحت بمشكله وهذا اللي يصير سبحان الله

ترجع وقت المشاكل ويوم تنحل تبعد

اللهم يهديهم يارب

ويهدينا ويهدي اليميع

فديــ{ـــتج شووو هالشئامه هااااا
عيشي الحياة الدنيا حيييييلوة مثل ما قالت ام خلوفي
الصداقة تجي و تروح يا الغالية و هذا شي مووب غريب في الدنيا
هالايام كله جذي ترى هم الخسرانين
سوي لهم اكبر طاااف و لما ايونج ساعديهم لان اذا ساعدتيهم و نسوووج ربج ما بينسى الي سويته
و هذا كله في ميزان حسناتج مثل ما قالت الاخت هواجس خير
و قولي الحمد لله ع كل شي فديتج و بث

جوجووووووووووووووووووووووو حبيبتي مثل ما قلتي الدنيا تلهي بس كل شي بحدود

شوفي مع هالنوعية فكري بشي واحد أنتي تعاملي ربج مب هم و الي تقدرين عليه سويه و يوم ماتقدرين مب مضطره تسوين فوق طاقتج لحد ما يقدر

بعدين صح ماتلاقينهم يمكن وقت الشدة بس ربج معوضج بالي أحسن عنهم و لازم تفكرين أنه مب مول ماشي فايده منهم لا شي تاخذين أجر من وراهم و مضاعف يوم يصدونج لا تكدرين خاطرج و لا شي نحن وياااج

( خخخخ أنا بعد أقصر وياج أحيانا يمكن بس أنتي أدرى بالحال آآآآآآآه )

فديتج لا تكدرين بعمرج نحن نفزعلج بس أشري (( و لا بخبر عليج هع )