انا الله يسلمكم داومت في شركه خاصه .. وتعرفون كيف دواماتهم وشغلتهم …..
انا مو معترضه ع هالشي بالعكس احب اشتغل .. انا كنت اداوم في فرع الرئيسي عندهم
وعددنا 4 موظفات في الغرفه والكاستمر اعدادهم فوق 40 شخص ..
كل وحده تتأفف وتتهرب من الشغل .. اللي تقول انا بسوي جي مابكلم الكاستمر .. والثانيه تقول انا بساعدج انتي ( تساعدني انا لمده 4 ساعات) وعقب ترتاح ماتسوي شي تقبض البيبي
والاخيره شغلتها حلوه وتخلص 3 لين 5 تكون فاضيه .. لكن انا جافوني يديده وماحب اتكلم وايد
وشخصيتي خجوله قالو يالله بنكرفها كراف ومبطلين عيونهم عليه ..
انا بفهمكم كيف شغلتنا نحن 4 بنات .. 3 بنات نفس الشغله لان الكاستمر ايون خلال ساعه عددهم يتعدا الـ (40 شخص) اما الاخيره ايوون لها ( 10 اشخاص خلال ساعه او اقللللللل )
علشان جذه خلونا 3 نشتغل نفس الشغله عاد جوفو كيف التوزيع من دون علم المسؤلين والاداره ..
الاولى بغرفه ماتسوي شي ماتجابل الكاستمر .. والثانيه ع قولتها اتساعدني ..
وانا الوحييييييييده اشتغل شغله الـ 3 بنات ولاااااااا ازيدكم ان الـراابعه تقولي تعاااالي عندي زحمه
وانا ماحب ارد احد وهي علاقتها اوكي ويا الاداره حتى الثانيه يعني بعد تعرفون اللي راعي مشاكل لازم يتمصلح شوي مع الكباريه عشان لاطاح فورطه عنده احد يغطي عليه ..
المهم الاخيره هذي تخبر المسؤول والمديره وانا اضطر اساعدها من حبي للشغل (للعلم ان الـ2 الفاضيات ولامره قالتلهم تعالو ساعدوني باسلوب امر لاا تترجاهم وهم عحسب مزاجهم عاد اما انا تقول تعالي سووي جي سوي جي انا حسبالي ان شغلتي بس فهموني لكن مشكلتي عودتها اني اساعدها ).. الله الشاهد ماكنت ارتاح لمده دقيقتين .. 30 شخص بنفس الوقت يدامي والكل لاهي بالبلاك بيري وطايحات دق سوالف ..
في وحده برع قسمنا .. دخلت عدنا عساس نخلص الشغله .. كلللللل مره اتي عندي كل خارج القسم ايوون عندي لني ماردهم ولا اعطلهم ادوس ع عمري واااااااايد .. والكل يقول جذه
مره يت هالبنيه عسب تسلم عليه الكل اتطالعني عساس اخلص الشغله .. انا هني بوزت يدامي فوق 10 كاستمر .. تخيلو شو صار .. البنات قالو مابنوقع وانا عاندت لما عاندت وصل الخبر للمديره ..
المديره طيبه وحبوبه لكن الشغل شغل .. زقرتنا كلنا .. وحطوا الذنب عليه .. لدرجه اني صحت .. ظلموني وايد ولما ابا ادافع عن نفسي يقولولي تراددين .. المهم بعد ماسارو البنات قلت للمديره ان الشغل مووووو موزع صح كل شي عراسي والدليل التوتل الي نطبعه ع نهايه الدواام ..
قالتلي شرايج تنتقلين الفرع الثاني .. سرت الفرع الثاني .. هني عاد العكس في وحده شااطره ماشالله عليها يعني تشتغل تادي شغلتها بأكمل وجه .. اما البقيه !!!!!! حدث ولاحرج ..!!!!!!
خلوني اشتغل شغله ماتخللللص ( هم انا ما اعترض لأني احب الشغل وابي الوقت يمر )
البقيه يخلصون عالساعه وحده بالضبط .. والثانيه تطلع بريك قبل ربع ساعه وترد بعد نص ساعه
ماشالله بريكها ساعتين الاربع هذا غير عن وقت الريوق والصلاه وزيارات صديقاتها
مره استوت سالفه .. نحن نشتغل ع الكمبيوتر .. واذا دخلنا شي غلط يكون الدفع 700 او اكثر ..
في بنيه برع القسم غلطت غلطتين .. وانا يايه ابا اخلص الشغل جفت غلطتين في الملفين من 6 ملفات ..!
سرت عند المسؤول وقتله في اغلاط واتمنى انك ترمسهم بهدوء وتتفاهم وياهم وانا مابي اذكر اساميهم ولاترمسهم الحينه ( انا قتله بصيغه الجمع عسب مايفهم البنيه ) بس هو عرفها ع طول ورمسها بنفس اليوم ..
عاد اليوم الثاااااااني اختها وهاي الي في قسمنا الي ماتشتغل كله طايحين فيه حش وكارهيني ( انا مو محتايه حبهم ) بس ماحب احد يتكلم عني ويقول شي انا ماسويته ..
واليوم المديره تقولي ساعديهم .. الكاستمر بالكثير يوصلون 10 وهم 3 يخلصونهم اما انا اكثر
ياربي ليش الناس جذه .. يعني اللي يكون خجول وهادي ويسوي شغله ويساعد الكل يدوسونه ومايراعونه لاتقدير ولا احترام !!
اما البقيه اللي يتمصلحون ويسوون مشاكل من وراهم عاادي يعاملونهم احسن معامله
يعني الواحد لاازم يكون منافق ونذل عسب الكل يسويله اعتبار
غاليتي .. الطيبـة شي ,, والسذاجة شي ثاني
الإنان بطيبته وأخلاقه الكريمـة ينوزن بذهب
بس لازم كل شي بحدود لإن الشي إذا زاد عن حده ينقلب لضده
انتي لا تلومين الغير لو من اليوم لباكر وانتي تلومين ما بيفرق شي
مب هم الي تقدرين تغيرينهم
وانما تقدرين تغيرين ردود أفعالهم عن طريق تغيير نفسج
لا يغير الله ما بقوم حتى يغيروا ما بأنفسهم
ابدئي بشخصيتــج وقويها وتعلمي فنون الــلا
لها فنون وأوقات من الظروري لفظها بكل أدب وذوق
طوري ذاتج واهتمي بنفسج وصدقيني الناس من حولج بتتغير
لإن
If you do what you’ve always done, you’ll get what you’ve always gotten
!!
التغيير يبدأ منج ,, وبعدها تأثرين على من حولج
وادعي رب العالمين الثبات ,, وتعلمي من سيرة المصطفى عليه الصلاة والسلام آداب التعامل مع المسلمين حولـه
في وايد اشياء كانت غلط وهو صححها لهم بالقدوة 
والاسلوب الحسن ,, عليه الصلاة والسلام
احسن شي ركزي في شغلك وخلاص وماعليكي من حد ولا تشتغلين شغل حد اذا متضايقة حتى لو تحبين الشغل هذا شغلهن مب شغلك الا في حال في شي طارئ وحابة تساعدين
واي شي يمكن يتسبب لك في مشاكل بلغي الادارة عنه وخلاص مالك في شغلهن ولا هن كيف بس ركزي على مصلحتك وبس في ادراة مسؤولة عن الموضوع
انا مثلك كنت ساكته وكل اللوم ينزل علي ويوم زعلت وتكلمت قالوا متخبية في ثيابها لووول لا حول ولا قوة الابالله
اختي الانسان لازم مايستحي في الشغل خليكي قوية وصريحة معهن والواضح انك قوية بس لازم تزيدي وياهن
المديره تشغلهم الصبح .. وعالصبح اشغلتهم هم الكاستمر تقريبا 15 وهم الـ3 يشتغلون
اما انا اكون فاضيه واكرررررف كرااااااف من بعد الساعه 9 لين 5
اما هم يخلصون ساعه 1 .. لنه شغلتي غيرر .. تعبببببت وفوق هذا المسؤول قال اثنين اثنين نفس الشي
والحينه حتى المسؤول مايعرف واذا خبرته بيقولون فتانه شرات قبل كفايه الـ2 الي بقسمي مايدانوني
ولو خبرت بيستوي زلزال