وهذه بعض الابيات الشعريه اللي عندها سؤال عن اللهجه العراقيه تسأل بالخدمه..
* طعم حبك حبيبي عسل (وي جوز)
ومنك ما يتوب الكلب (ويجوز)
تريد انساك!بس بالموت(ويجوز)
تلمنه الآخره ونرجع سويه
* ازرع صبر ضليت عالفاركوني
واحصد دمع يا ناس يمكن نسوني
*دوخه بسبب فركاك من راسي متروح
امشي ودعمت الباب حسبالي مفتوح
*أدك باب اليضدك واشتمنه
واشيل تراب جدمك واشتمنه
كول امر حبيبي واشتمنه
حاضر لو ردت روحي هديه
*هلا يلي ما نساك الكلب مره
وصدك كل ليالي جفاك مره
شيضرك بالحلم لو تمر مره
عزيز انت وتظل غالي عليه
ملاحظه
الكلب)معناه(القلب)اتمنى منكم الرد اذا عجبكم موضوع الشعر العراقي
واذا إدوّر عليه بيك تلكانــــــــي
واذا هذا الاكَوله تظن ابالغ بيه
تكدر تنسحب بس تكدر تنسانــي
وما أكلك جذب كَبلك ما حــــــبيت
بس يوم العرفتك انولدت من ثاني
وهسه اني طفل ما يعرف يضم اسرار
وتلكه البلكََلب بسرعة على لساني
أحبك كلمه ما تستحقــــــــــهه والله
لأن كلمة احبك ما تروي وجداني
وماتهمني حروف الكلمه من تنكَال
بس همني الفعل وشتحمل معـاني
لأن انه من أحب اختلف عن الناس
وما اكَلك طبع ولا سر ربانــــــي
ولا اكَلك ملاك اني يفــــــــــــــلان
بس تلكـــه الصدك من تدك بيباني
أحبك كَالوهه كَبــــــــــــــــلي هواى
وبيهه ما اهم واتركهه تعـــــــاني
عندي لهفه الك شايلهه من سنين
واظن كلمة أحبك ما تطفي نيراني
لا مشوي لا مطبوخ لا واصل الماي
اجرحني انته وشوف عاين عليه
ما يمشي دم بحشاي تمشي انت بيه
متعجب المهموم يشرب جكاره
قلبي بكثر مانوح تجويني ناره
اكعد بتال الليل وادعي بصلاتي
ياربي بعد فلان شلي بحياتي
اشينفع المكتوب لو ردت اوديه
كون التريده الروح اكعد واحاجيه
بهاي اشوفك طيف وبهاي اباريك
لو تعمه هاي وهاي بالروح اخليك
لا تهمل اليهواك حاسب ضميرك
صدكني يالمحبوب ماعندي غيرك
حيل ألكم اشتاقيت يل ما تنشدون
ذنب الكلب يشتاق مو ذنب العيون
عود آنه مثل الناس هم عندي بــــــطه
راحت تغط بالماي والغطٌـه غطٌــــــــــه
قال االشاب:
كاع انه وانت الطير لابد يحط يوم
لو تتعب الجنحان لو ينكرك حوم
فقالت له :
كاع انت وانه الطير وتظن احطن
لو تتعب الجنحان .. بالماي اغطن
وسلامتكم
حوار بين ام عاشت في زمان الحب وابنتها التي عاشت في زمان المال عندما جاء رجل يحبها لكنه لا يملك المال التي كانت تحلم به :
الام: يمه الاجه ابن اجواد موش ابن غربة
اصل الستر والطيب واصل المحبة
البنت: اليخطبني لازم كون انه الاريده
عنده قصر واموال وسويجه بيدة
الام: ابكبرج :- واجوا خطاب كتلهم ارضى
جابولي خام الشام والحجل فضة
البنت: يمة زمانج راح بيه انظلمتي
وذاك الوكت مرفوض مو مثل وكتي
الام: عشنا بوفا وبطيب كل الليالي
لازفة لاكنتور…. لامهر غالي
البنت: اعرف بنات هواي عزن نفسهن
اتكلف كذا دينار بدلة عرسهن
الام: اشرايج لوَن زنكين عالحسن حبج
وملج.. وبعد شهرين واعلينا ذبج
البنت: بنتج بعدها اليوم حلوة وزغيرة
مو مشكلة من يروح يخطبني غيرة
الام: بس كلمة عندي وياج ولله شهادة
بالوفا وبالاخلاص سر السعادة
البنت: اخر كلام وياج متطورة انه
والما يجيب المال شلي بحنانة
الام: اختاري والله اوياج يا سلوة العين
امج واعرفج زين باجر تندمين .
—————-
محاورة شعرية بين طالب وطالبة واستاذ:
الطالب : بالصف افكر بيج وعن درسي فاتر
واسمج كتبتة بشوك فوكَ الدفاتر
الطالبة: من الجامعة للبيت وانت على بالي
وبكل صفحة يالمحبوب وجهك يلالي
الاستاذ: الحب يدفع الانسان لاعلى المراتب
ويتبره منه الشوق لو طلع راسب
الطالب: انه ادري يا استاذ للعاطفة حدود
والواجب اخليه للدرس مشدود
الطالبة: حب الوطن يا استاذ من حبنة اكبر
نريد نتفوق دوم وبالعلم نسهر
الاستاذ: ولدي المحبة احساس والعلم بابه
ويندم هواي هواي اليهمل كتابه
————-
محاورة بين عشاق:
هو: بسد شجرة التفاح مشتولة روحي
وبالفركة حتى الطير ناح على نوحي
هي: اجيتك ومن ابعيد سبقتني روحي
ومن لمست الجفين طابن جروحي
هو: لا كلبي نوبة ايهيد لا عيني تغفه
لا صبر بيه يفيد لا ناري تطفه
هي: اتمنى روحي اتصير نجمة وترابيك
وبهيدة تالي الليل انزل واشم بيك
هو: اتمنى اهل الشوك يلتم شملهم
والطرب والاشعار اتبرع الهم
هي: اهل الهوى ايكولون كلهم مساكين
وعدهم الف تفسير لو رفت العين