كل روايه وفيها قصص وكل قصه فيها حكمه وعبره لكن قصتي تختلف وروايتي تجتمع فيها الاهات والعبرات وتختلط فيها المشاعر وتتناثر فيها العبرات..
شكرا لصاحبة النك النيم وشكرا على تصميمها الغاوي للروايه انا احدى الزائرات لهذا الصرح النسائي الجميل وحبيت من خلاله اني اكتب لكم روايه جميله واتمنى انها تنال اعجابكم
بداية خلوني اعرفكم على الشخصيات..
بيت العائلة الاولى ( الشارجه )
مكون من
بوعبدالله..اقتصادي في كل شي وطبعه يذم اللي رايح واللي راح ومايعيبه شي
ام عبدالله تحب الخير للغير لكن ماتحبه لعيالها وكل همها اخبار الناس شو سوو وشوصاربهم
بكرهم نوف..راعية اخلاق والكل يقول عنها انها لؤلؤه بس شو اللي صار لها وغيرها ؟! بتعرفون عقب ^^
ساره ..طيبه وحبوبه اجتماعيه والكل يحبها وكل همها فلوس ومكياج وطلعات بس شو اللي يمنعها ؟؟
نوره ..هاديه ومسالمه وماتزعج حد ولاهيه بدراستها
عبدالله..طيب يقوم بالواجب عصبي وفكاهي ؟ كيف؟ مع الاحداث =)
سعيد..طيب وفكاهي واحيانا ماله دخل في احد
حمد..الاصغر سنا كل همه أذن العصر ولا لا ؟ بس علشان يطلع ويلعب كوره =)
ميره ..دلوعه وصياحه صغيرونه ^^
شوق..اخر العنقود وشرانيه بكل معنى الكلمه بس فكاهيه
بيت العائلة الثانية..عائلة بومحمد..( بيت الوالد العود –والد بو عبدالله )
طبعا
بومحمد..( ابويه العود )حكيم اخلاقه عاليه جدا هادئ مسالم وفيه شوية دم فكاهي ههههه
ام محمد..( اميه العوده )..بتعرفون شخصيتها مع الاحداث وانتو احكمو عليها =)
بوعبدالله…( متزوج) سبق وذكرنا شخصيته وشخصية عايلته
ام راشد..( الاخت الثانيه بعد بوعبدالله )..نكديه سكوتيه وقت المصايب توسوس من تحت لتحت ولمن تنفضح تقول انا مالي شغل..متزوجه وعندها ولدين راشد وحمد
بو احمد..محبوب ومحامي العايله بشكل عام متزوج واي واحد في العايله تواجه مشكله سيده يروحون عنده والمسكين ميود راسه خخ
ام مريم..متزوجه وعندها مريم وبنوته وولدين طبعها مثل طبع اختها توسوس و وقت الحاجه ماتعرفك
ام صبيحه…تحب تسولف ويا البنات الصغار وتسوي عمرها توها من بنات 15 وهي في الثلاثين..وعندها صبوحه و ولد صغيرون ^^
ام اسيا..تظهر عكس ماتبطن..بالمعنى الاصح منافقه ^^ عندها اسيا و اوروبا ههههههههههه اسولف عندها اسيا وشروق =)
والسوسه اخر العنقود..سميحه =).. طويله وتتصنع شخصيتها وتحاول انها تصير دلوعه بس مش قادره هههههههه !
العائلة الثالثة: ( العين )
بوناصر..24 ساعه في الدوام ومايلحق يكون في البيت غير يوم وبالكثير يومين يشوف عياله ويرد الدوام يداوم في بوظبي^^
ام ناصر..24 ساعه في المطبخ تسوي عزايم لخواتها وامها الغدى والعشى في بيتهم والصبح محد يشوفها ^^ لانها في بيت امها
منيره..جامعيه تدرس في جامعة زايد سنه ثالثه اعلام
شيخه..تدرس في جامعة الشارجة بعد اعلام سنه ثانيه
ناصر..في عمر 18 وداخل 19 وبعده ثنويه عامه
مريم..اول ثنوي^^ راسبه ..عمرها 17
العائلة الرابعه ومن امارة ( دبي )
عائلة بوطارق ( الله يرحمه)
ام طارق…24 ساعه مع ربيعتها وسوق وطلعات وحش في الناس
طارق..متزوج وافده عنده بنتين متدين ولكن وقت المصايب؟ مجرم =)
محمد..يدرس في جامعة زايد وفي نفس الوقت يشتغل في احد البنوك..هادي خدوم وقلب امه خخ
عويشه..اكبر من اخوها محمد وجامعيه طيوبه بس تحب المديح
هند..اخر العنقود مدلعه وتفكيرها اكبر عن عمرها وكل اللي تباه تحصله بس مشكلتها ؟؟ مع الاحداث هههه !
والاربع العوايل عندهم عامل مشترك ^^ الا و هو؟ العرج العيمي =) !
نوره في المدرسه مع ربيعاتها وعليهم امتحان كيميا ^^ وطبعا نوره بنت علمي في الفسحه شلت نوره كتابه وكالعادة روحت ورا كلاسهم عند ربيعاتها الشله المشتله صحيح انهن بنات علمي لكن ؟ شيطانات وقت الفسحه انسوو انكن تشوفن بنات العلمي ! بس هالمره عندهن امتحان وضروري يذاكرن هالمره يلست نوره عندها ربيعاتها زينب وفطامي واموني وشويخ..نواري : اففف ماذاكرت البارحه ؟! .. زينب : شو سويتي عيل البارحه ؟ ..كشرت انيابها فطامي وقالت : كعادتها نواري ماوراها شغله غير مجابله هاللاب اللي تصمم عليه ع هالبرنامج اللي لعنت خيره من كثر تصاميمها ..امون: حرام عليج فطامي قولي ماشاء الله هي تصاميمها حلوه ..نواري متنحه وعينها على الساعه تحاتي الامتحان..شويخ: نواري وين وصلتي في المذاكره ؟..نواري: ها؟ اقولج ماذاكرت البارحه فتحت الكتاب ويلست اجلب صفحاته مب فاهمه شي ابد !..فطامي : هي بووي اكيد من كثر ماتفكرين فيهااااااااااا…نواري: ها؟…اموني: ههههههههههههاي اكيد اكييد تفكر فيها؟….وضحكن البنات على نواري..ونواري بعدها متنحه !…افكر فيها؟ منو هذي؟؟…اموني : حبيبة القلب وتغمز لفاطمي^.* فطامي: نسيتي حبيبتي القلب قومي قومي نروح لها خليها تفهمج..نواري: اهاااااا قصدكن مس الكيميا !؟ ماشي شغله افكر فيها انا احاتي الامتحان!..اموني : نشي نواري بنروح لها انا وانتي وخلي الشله المشتله تذاكر تراهن ماخلصن مذاكره..نواري: اوكيه سرينا يلا…فطامي: هههههههه ماصدقت عاده ماقالت لا..نواري: جب فطام سايره الحق ع عمري قبل لا ارسب !…( وروحن نواري واموني عند مس الكيميا عسب تفهم نواري بالمختصر) وفي هالوقت وفي مدرسة ناصر ( امارة العين )..يخطط ناصر لشرده من بعد الحصة الرابعه هو وربعه طبعا كل همه يلحق على سباق السياير اللي في امارة ام القيوين !..خطط وفكر و وصل للحل !..عبود: ناصر شو رايك انت الحق الاستاذ ورمسه والهيه وانا خلاف وراك بقردن الاستاذ وبنقص عليه وبنشرد !..ناصر: O.o" مالت عليك جذا بتشرد يالغبي !..قم قم ارفع الكندوره وخلنا بنشقح ورا المدرسه يلا..( خطه جهنميه هههههه ! )..عفد ناصر وخلاف عبود وشافهم من بعيد ربيعهم اللوتي صقر وطيرااااااااان وراهم ! …صقر: زين لحقت على عمري!…ناصر: وابوك ! انت شو يابك ؟!..صقر: مب انته لي تعرف تشرد عبود خوز سولي درب بركب ورا..( في موتر ناصر )…عبود: نصور عل عل خلنا نربش..صقر: حط حط يابوك حط على ففتي سنت وع الاخر ياحبيبي..ناصر: امري لله !…( شغل الاغنيه وعلاّ على الصوت وعلى درب ام القيوين انا ماشي )…ودق جرس الحصة الرابعه ! وفي مدرسة نوره بدا الامتحان ؟!..دخلت مس الكيميا وقالت : فرقو الطاولات اشوف ميروه خوزي من مكانج تعالي مكان شما..شيخه روحي مكان نوره…فاطمه ردي ورا…….دخلن الكتب وسمو بالرحمن…….البنات : !!!!!!!!!!!!!!!!!!!! ابله بس هالامتحان ؟ …. مس الكيميا : انتو شو تشوفون؟….حصه : بس ابله ! هذا نص ورقه يعني الامتحان سهل صح …مس الكيميا : كويز مو امتحان منو قالكن امتحان ومخوفات عماركن!….اموني : حظها نوروه ماذاكرت !!…مرت 10 دقايق وسحبت المس الاوراق من البنات وقالت : بالترتيب بنات سلمو الاوراق و وحده وحده للمختبر..طلعن البنات بالترتيب وطلعت فطامي وشويخ وزينب واخر هنتين نوروه واموني .. اموني : عاد نواري اونج كل هذا عسب تمشين ويا الابله..نواري: ها ؟.. مس الكيميا : انا بمشي شفتكن متاخرات مابتحضرن الحصه وطوفتهن المس وروحت…اموني : بل الطويله مب هينه طارت عنا روحت !..نواري: هههههههههههه!…اموني: نواري بخبرج شي بس لاتتضايجين وتزعلين! بينج وبينج مابغي باجي الشله يعرفون …نوروه: خير؟…اموني: لاتخبرينهم عسب مايقولون لي فتانه!..نواري: قولي بسرعه بنتأخر عن الكلاس!…اموني: نواري تعرفين اني احبج كأختي وما ارضى عليج وانتي طيوبه وحبوبه بس امممم..نواري: قولي بسرعه وصلنا المختبر نحن !!..اموني: بخبرج عقب في فسحة الصلاة اوكيه..نواري: ممممالت!…( طافت حصه واحينه الحصه السادسه )..نوروه : ياربي امون شو تبا تقول؟؟ اف متى بيمر الوقت ويدق الجرس ياربي!.. وتررررررررررررررررررررررررررررررررررررررررررررررنّ !..نوروه: اخيرااااااااااااااا مابغى يدقّ!..اموني تعالي..فطامي: اقول نواري انا وشويخ وزنوب بنروح نصلي…نواري: تقبل الله يالمطاوعه هههههه…اموني: ياحظكن بتصلن!..نواري: خل عنج مب سايرات يصلن تلاقيهن بينزلن من الصوب الثاني وبيمشن ف الساحه المهم خبريني شو كنتي تبغين تخبريني؟..اموني: اونهن بينزلن الساحه امشي عسب نفضحهن!..نواري: خبريني!..اموني:بخبرج بس اول خلينا نشوفهن هههههه!ّ..نواري: اوكيه..( وصلن الساحه وشافن ربيعاتهن فطامي وشويخ وزنوب)…نواري: تقبل الله =) ..فطامي: اوه ! منا ومنج ياربي !!..شويخ وزنوب: ههههه !!……..اموني: هذا صلاتكن يالمنكر؟ يالجذابات؟…زنوب: صلينا صلينا!..وترررررررررررن الحصه السابعه ركيض ع الكلاس لان عليهن انجلش ومس الانجلش والعياذ بالله..( طبعا معروف اهمية الانجلش بالنسبة للثنويه العامه والدرجه مطلوبه )..فطامي:بنات ركييض مافينا نضيع درجات ع الفاضي روحنا متحنات في الانجليزي…شويخ: في نفسها…عدااااااال اذا انتي يايبه 96 في الانجلش ومتنحه عيل انا وزنوب شو نقول؟!…..في هالاثناء..الاخ ناصروصل ام القيوين ويا ربعه =)…وبدت تجهيزات الموتر وبدل ناصر كندورته وبدا يستعد للسباق..صقر: نصور من صدقك انته ناوي تذبح عمرك؟…ناصر: ياخي الريس حياتي شلك انته..عبود: نصور خلنا يابوك نستانس مافينا نخاف عليك ونرد العين انا وصقور بس!..ناصر: لاتخاف انا محترف….صقور: وحياتك ماتترايس خلنا بس بنطالع ربع ساعه وبنرد العين ورانا درب مب وقته تترايس ويخترب الموتر علينا..ناصر: يخسي ايبكم وياي مره ثانيه خربتو علي!…بدا الريس وناصر وعبود وصقر بس متفرجين هههههههه!..طافت ربع ساعه والاخ صقر دقيق في مواعيده ف قالهم يلا نتوكل وردو الشباب درب العين والسرعه 160!…حصة الانجلش في مدرسة نواري..الكل ماسك الكتاب وكل وحده من البنات عينها في الكتاب ( بنات علمي )…ههههههههه لااااااااا..الخوات يرمسن بعض في ستكرات هههههه!!..اونهن يقرون الدرس ع وضع السايلنت بس لا ياحبيبي..الشله المشتله ترمس بعضها من تحت لتحت ..حركاات هالبنات!!..ترررررررررررررررررررررررررررررررررررن.. .وخلصت الحصة السابعه!!..لبسن العبي البنات وقرقرقرقرقر لين ينزلن من الدري ولين يتمشن في الساحه ويسلمن على البنات ولين يوصلن عند الباصات وبعدهن يسولفن يترين راعي الباص يركب خلاف هن بيركبن!..اموني: نواري ماخبرتج انا..نواري: تو الناس ياعيوني ( باستهبال)…فطامي: شوتخبرينها؟…اموني: ماشي كنت برمسها عن مس الكيميا وجي( تغمز لفطامي)..فطامي وزنوب: ايوااااااا ههههههههههههه!..نواري: مالت عليج امون يلا بركب انا بروح جاااااااااو…اموني: نواري حدري المسن اول ماتوصلين لازم اخبرج(تصارخ)…
نواري في الباص تفكر؟..معقوله في شي صاير؟ ليش احس بضيج ياربي؟ مس الكيميا؟ شو دخلها في الموضوع؟ بعدين كيف المس بتقول شي عني وانا كنت موجوده اليوم؟ لالالا ماعتقد مس الكيميا؟ اكيد في شي ثاني اف ياربي..( ربع ساعه في الباص)…نزلت نواري من الباص و اول ماوصلت باب بيتهن حست بضيج كـ عادتها..( ياربي ليش من اوصل البيت اتضايج ليش ليش)..ودخلت نواري البيت سلمت ع الموجودين..ودخلت غرفتها سبحت وبدلت وكعادتها نواري ماتتغدا..لانهن مايخلون لها غدى في البيت هههه! وهي تعودت وماعاد يهمها..حدرت نواري المسن…( تررن تررن تررن صوت المسن )..نواري: خيبه توني الا حدرت شو مستوي…نواري: امممم هاي امون اففف اخرتها ماعندها سالفة مب متفيجت لج امون خليني بريح بتسدح شوي( في نفسها)..ياربييي احسني بصيح ليش ياربي شو السبب افف اوييه ماصليت الظهر !..[ نشت توضت وصلت]..الحمدلله صليت..بعدني حاسه بضييج ! استغفر الله..( تررن تررن تررن )..نواري: بلاها امون محتشره! خ اشوف شو تبغي هاي…نواري ع المسن : هلا امون شحالج اخبارج شو مسويه شوا لبيت شو العيال شو الريل شو العلوم شو الرياضيات حليتي الواجب تغديتي؟( باستهبال)…اموني: هههههههه كل شي تمام اقولج سكتي واسمعيني اوه قصدي شوفي ماقدرت اقولج الكلام اليوم فيس تو فيس بس احينه مضطره اقولج لاني ربيعتج وابي مصلحتج………
يتبـع بعد ما اشوف ردودكم وانتقاداتكم من خلف الشاشه
P.S
الروايه وايد طويله *