وما لقينا مكان نسيره غير السيتي سنتر
بس لقيت فيه محلات حلوة خاصة محلات العبي
وأعتقد في سوق شعبي يقولون حلو وين يبيعون الدرابيل والشناشر وهاي الاشيا ..
بس لا تعتمدين على معلوماتي لأنهن كانو مجرد كمن ساعة
ان شا الله بنات البحرين يفيدونا أكثر
عندج الستي سنتر
العالي مول – السيف مول
وانصحج تسيرين كووفي شوب ليلو => يجنن
عندج العرين داون تاون + بنيان تري
متحف البحرين الوطني
عندج مركز البحرين => الشيراتون
جزيرة حوار
عين عذاري و جنة دلمون
واذا تبين الاشياء الشعبيه والعبي عندج سوق المحرق والرفاع ( بوكواره )
المطاعم ( نينو + نيو ايجيا + فندق الرتز +فندق الخليج شي مطاااعم حلوه )
ها كله عن تجربه شخصيه
والسموووووحه^^
مجمع السيف والعالي
ومجمع البحرين والدانه,,
ومجمع السيتي سنتر والمارينا مول,,
وشي مجمعات بس في اماكن بعيده,,
وبعد في مجمع مودا مول ها كله ماركات
ديور وربع ديور هههههههه
وفي مجمع المرفأ المالي يكون في المرفأ
المالي بس ماقط دخلته فما اعرف شو فيه,,
اذا تبين تسيرين السينما عندج مجمع السيف
والدانه ,, وسينما الدانه احلى وارتب,,
عندج محميه العرين واللي يتسوي صوبها
جنه دلمون المفقوده حديقه مائيه .,, الحين برد ماظن تنفع,,
عندج حديقه عين عذاري هاي فيها العاب
حلوه حق الكبار والصغار,,
وهم الحديقه المائيه بس هاي قديمه شوي,,
الاسواق الشعبيه,,
سوق المحرق )) فديت المحرق انا (( ههههه
بتلاقين فيه محلات عبي كثيره وغير السوق
القديم في بدايه السوق صوب محلات الحلوى
واذا تبين حلوى انصحج في حلوى المروج
بالنسبه لي هاي احسن حلوى’’’
وعندج سوق البوكواره فيه كل شي
مطاعم ومحلات عبي تكون اسعارها
اكثر من اللي ف المحرق طبعا اغلب
المحلات بس مو كلها,,
وفي سوق جد علي بعد في مدينه عيسى,,
وعندج الكوفي شوبات تلاقينهم
اكثرهم في العدليه ,,
بس احس اغلبهم مايصلحون حق عايله
عندج ليلو كافيه اذا بتروحين الطابق العلوي
يكون اهدى من تحت والسويت مالهم
خباااااااااااااااااااااااال
وفي كوفي شوبات هاديه في المنطقه الدبلوماسيه
ومنطقه ساار والبديع,,,
والمطاعم عندج في الرتز كارلتون وفي الدبلومات
وفندق الخليج هاي احسن المطاعم فيهم
واذا تحبين الاكل الهندي انصحج
بالمطعم الهندي اللي في الرتز كارلتوون واااايد لذيذ
وفي مطاعم هنديه احبهم بعد
مثل اللنترس عند برغر لاند البديع
ومطعم كوبرتشمني في ام الحصم
وفي مطعم صيني في ام الحصم بعد
اسمه كونق فوو يمدحونه بس انا ماحبه,,
عندج منتجع بنيان تري فخمممممممم
الفله روووووووووعه لكم غاليه,,
وشارع المعارض مانصحج تسيرينه الا اذا تبين
فاست فوود لان مصخره هناك,,
وعندج بعد منطقه الجفير فيها مطاعم
وشقق سكنيه في بعضها اوك وبعضها لا بس
ماعرف ايهم احسنهم ,,
عندج كورنيش الملك فيصل وكورنيش النادي البحري
بس عاديين مو ذاك الزود,,
في النادي البحري فيه منتزه الدلفين
فيه عرض حق دلافين بس ماقط دخلته,,
وفيه بعد صاله تزلج وبولنق,,
الاماكن الاثريه عندج مكان في منطقه عالي
في صناعه الفخااار فيه اشيا حلوه
وتلاقينهم يعرضون اعمالهم في شارع
يوديج على مدينه حمد…
قلعه عراد وقلعه البحرين وعندج بيت القرآن في
بدايه شارع المعارض..
ومتحف البحرين حذال النادي البحري,,
وعندج بيوت اثريه في المحرق عند سوق
المحرق الشعبي,,,
واذا تبين تسيرين جزر حوار يسوون رحلات لها
اظن في مكتب في النادي البحري,,
بس ماظن يصلح تروحين ف البرد هناك,,
الحين موسم تخييم في خيام تأجير
وفي دراجات تاجير وكل شي ونااسه,,
بس تحذروا اذا بتسيرون لان وايد حوادث
تستوي … وخصوصا بالليل..
عندج شاليهات البندر هاي اوكي بعد..
اممم احاول اعصر مخي هههه
ان شاء الله اذا تذكرت شي بعد بخبرج ^^..
وأي استفسار انا حاظره ^^..
بس تبين الصج ولا ولد عمه
احلى مافي البحرين اهلها فديتنا ^^ ناس طيبين وبسيطين
وتنور البحرين بوجودج خيتي وان شاء الله تستانسون فيها^^..
المشاركة الأصلية كتبت بواسطة سما قطر 
اللي قالت عنه سما قطر,, لان المكان زحمه ف النهار
ومصخره في الليل .,, شباب الخليج اللي يدورون المصخره
اغلبهم تلاقينهم هناك يحوطون,, وفي الليل بتشوفين اشيا ماتسر,,
اللي مايعرف في البحرين شي اول مكان بيسيرون له شارع المعارض
لان كل الخليجين هناك ,, لكن البحرين فيها وايد اشياا حلوه
وان شاء لله تستانسين عندنا وتنورينا بوجودج يالغاليه ^^..
واحنه نستانس لما نشوف اهل الامارات الطيبين عندنا^^..
وان شاااء الله لما تزورين البحرين ترجعين وتشتاقين لها
كفايه اهلها الطيبين (( ههههههههه لازم امدح ههههههه|))
حياج الله وتنورينا ان شااااء الله^^
وانا ان شاءالله بسير قريب ^^