للتنازل: سائقة فلبينية عندها ليسن الامارات 2024.

السلام عليكم خواتي أنا عندي سائقة فلبينية في أواخر العشرينات ماخذة ليسن من 6 شهور تقريبا بس هي أصلا كانت سائقة في بلدها وأنا وايد دربتها هني وسجليتها مبتدئة عشان أضمن أنها تاخذ الليسن عن جدارة بس أناما عندي مشاوير اللهم الا توصيل العيال المدرسة والحين العيال صارت مدرستهم بقرب البيت وأنا اسوق فأحس خلاص احنا مب محتاجينها وللامانة خلال ها الفترة سوت حادثين بس كلهم تجاوز خاطئ لأنها تعطيهم اشارة وتتجدمهم تتحراهم بيسوولها سالفة تعرفون سواقتهم في بلادهم غير بس ها الشئ اللي ضايقني ،لكن هي خلوقةوايد ومؤدبة ما ترفع راسها وما ترفض شغل البيت أبدا يعني أنا كارفتنها عدل في شغل البيت فالي حابة تاخذها أو للاستفسار تبعثلي على الخاص وسلمتو الغاليات

للرفع

للرفع

تعرف تسوق اوجيه ولا
اذا تعرف على جم معاشها

الغالية طرشيلي رقمج على الخاص

مرحبا خواتي سامحوني إذا تأخرت في الرد لأني وايد مشغولة بس للي استفسرو عن الراتب فهو 1100 درهم وللتنازل 8500 درهم وهذا أرخص من سعر المكتب لاني ما ابا اتربح من وراها اباها تحصل عائلة زينة لانها هي تبا اتم تصرف على ولدها وبالنسية لسواقتها هي سواقتها وايد زينة بشهادة مدربتها دايما تقولي سواقتها احسنمني ومنج بس انا مثل ما قلتلكم ما ابعثها مشاوير بس المدارس وبيوت الاهل ونادي السيدات يعني في حدود الشارقة يعني ماقط ساقت في دبي

هلا الغالية اذا في امكانية تنزلين شوي