مرحبا بنات مبارك عليكم الشهر
الي تبا تاخذ خدامه تجربها اول شي والي تبا تعرف ليش بخبرها
طيب خبرينا ليش؟ 
شو السالفة
ليش ؟؟؟؟
مافهمت !!
مرحبا بنات ..انا خذيت خدامه عن طريق المنتدى والي يبا يعرف منو بيجوف ردودي ..المهم ان العضوه كاتبه ان مستوى الطبخ ممتاز ركزوا ممتاز..وانا على نياتي ماعرف ان الحريم يجربون الخدامه او يدفعون عربون ..رمستني وشرحت لها ضروفي وقلت لها انا ابا طباخه ..قالت لي تعرف كل شي تسوي فطاير وسميوسه ويوم تكون فاضيه تقوم تروح المطبخ تتعلم اشياء يديده وتعرف تسوي عيوش كل شي والله العظيم وصفتها وصف خلتني اقول لازم اخذها ,,وفعلن رحت خورفكان من بوظبي لين خورفكان وانا مداومه وويا ابوها ودفعت له 12 الف مره وحده من غباي وهي استغغلت هالشي.؟ويوم يبت الخدامه بيان كل شي ماتعرف شي ابد وكله يالسه ..وترقد العصر ع اساس هالوقت تتعلم فيه ..قلت لها خدامتج ماتعرف شي ترد وانها يوم كانت عندج بس تسوي برياني ومجبوس ..(على أي اساس قالت لي تعرف كل شي مادري) قالت لا هي ف بيت امي تسوي اطلع جذبات مادري من وين ..واصبري عليها قلت لها ماعليه صبرت يوم ونفس الحاله رديت قلت لها خدامتج ماتعرف مامنها فايده قالت لي سايسيها ترا متضرابه مع خدامه امي انا انقهرت صراحه يعني كل مره اطلع لي عذر يديد..قلت لها انا يايبتنها تشتغل مب اسايسها..وجان ترد علي هيل بشر ولازم نعاملهم زين..تتكلم على المعامله وهي حتى ثياب مب يايبه لها ..وهي تساريني لين تضمن اني نقلت الكفاله ع اسمي ..قلت لها يوم بخلص بخبركم ماتبون شلو خدامتكم هالكلام من يوم الاربعاء ولين الحين ماردت علي..تخيلو متنازله عنها ع اساس ظروف علاج وهي يابه خدامه سيرلانكيه ..مادري كيف ترضى على نفسى فلوس بهالطريقه تلعوزت لين حصلت لها مكتب وخذوها مني ب 8000 وانا دافعه 12 طرشت لها مسج اني مابسامحها وبدعي عليها وترد خسارتي وماشي فايده ماترد علي واليوم حرقت فونها لان كان لازم توقيع الكفيل الاصلي عشان اجراءات التنازل
حرقت فونها ولا ردت علي تخيلو بنات يعني 4000 مب اشوي انا اتعب ف شغلي وهي تاخذهم على الجاهز والله ماتخاف الله ..ادعي عليها حزت كل اذان وقلت لها هالكلام وهي صج قصت علي وانا مب مسامحتنها وجابل علينا ارمضان وبتم ادعي عليها لين الله ياخذ لي الحق ..قالت لي ان هي شلت الفون من الخدامه ويوم يبت الخدامه لقيت عندها فون قلت ماعليه ..قالت ان الخدامه تسوي ف بيت امي وتشتغغل والخدامه حلفت يمين انها ماسوت شي..حسبي الله ونعم الوكيل وين بتروح من الله .. عشان جي اقول لكم لا تصدقون أي حد بدون تجربه وهذا درس لي واتمنى يكون درس لهم بعد ..والحين جوفو بعض العضوات تيب الخدامه ب 8000وتبا فيها 12 من جبد الناس يبونها بارده مبرده جن الفلوس اتيبها من الشارع يتسغغلون عشان ارمضان