اشحالكم يا أمهات؟
أنا ما عرفت وين أحط هالموضوع هني ولا في قسم ساعدوني، قلت بحطه هنيه لأنه أغلبكن أمهات وأكيد مريتوا بإللي أمر به الحين
ولدي فديته الحين سنتين و 6 شهور وبعده يلبس بامبرز
أفكر أدخله المدرسة بعد ما يكمل 3 سنين (يعني عشهر 9/2011 ) وحتى لو مادخلته أباه يتعود يسير الحمام (أكرمكم الله)
طبعا أنا أشتغل وهو في البيت ويا الخدامة (عيوز) وعمتي وبنتي الصغيرة
جربت 3 مرات متفرقة أوديه الحمام وأيلسه عالمرحاض (عزكم الله) وما يطيع يبول (وانتوا بكرامه)، عقيت عنه البامبرز وخليته بلاه، بال في الصالة
مب عارفة من وين أبدأ وشو أسوي
أنا أداوم من 7 لين 3
وهي فديته يرقد لين 10 مرات 11 الصبح
عطوني الخطوات وقولوا لي من وين أبدأ
أتريا ردودكم
للرفع
ساعدننا
انا اعرف وحده اتعود عيالها من يوم هم اقل من السنه كيف ماعرف بس والله انه اتقول اتحطهم عالقصريه الله يعزكم عقب الوجبات بوقت معين والطفل مع تكرار الشي يتعود خلاص لدرجه ان عيالها صاروا اذا طلعت مكان ول شي اترد وحفاظاتهم نظيفه مافيها شي بمجرد انها اتحطهم عالمرحاض الله يعزكم يفرغون اللي فيهم وحتى مره سافرت سفره مال 7 ساعات تقريبا مسكين البيبي ميود عمره لين ما حطته عالمرحاض ول فالبامبرز مايسوي شي خلاص….
وطبعا من طفل لطفل يختلف ومدى استيعاب الاطفال
معلومه:ربيعتي كانت موديه بنتها عند الدكتور نصحها تودر البامبرز عن بنتها قال الحين اعراض ضيق الحوض ول صغره عند البنات يوم يكبرون ول امور الرحم وهالسوالف كله من البامبرز وخاصتا يوم ترصونه وايد عليهم
بس نصيحه اذا سواها فالصاله موب فالمرحاض لا تعصبين عليه لا فهميه واحكيله حكايه ودخلي سالفة الحمام واللي يوصخ ثيابه فالقصه لان اذا يبتيها له بعصبيه بيخاف وما بيسمع كلامج وبيعاند