حبيت اليوم أكتب لكم موقف ضحكني من قلبي وقلت خلني أنقله لحبيباتي بنات سيدات الامارات
الموضوع هو الفرق بين ردات فعل زوج أختي وزوج ربيعتي
في كتاب شرنه أختي و ربيعتي وفيه موضوع يقول كيف تفاجئين زوجك و تعيشان ليلة رومنسية جميلة
المهم الليلة كيف تكون إنه الزوجة تقوم تشل ملابسها من الخزانه و لما يطلع الزوج تتنازع معاه
وتقول إنها بتروح بيت أهلها وتغلق تلفونها وفي نفس الوقت تلبس و تتشيك و تتعطر و تندس
ولما زوجها يرجع البيت يدورها في الغرفة مايلاقيها و شوي تطلع له طبعا بكشختها و تبوسه و تعتذر
و يعيشون ليلة رومنسية ^^
أختي سوت مثل ماكتب و لما رجع زوجها دور عليها بكل هدوء وفي صوته حزن
ولما طلعت له صدق كانت ليله حلوه ..
لكن ربيعتي ههههههههههههههههههههه لما رجع البيت يدور عليها أول مادخل يلس يصارخ
وين راحت وكيف محد منعها وكيف خليتوها تطلع و جمع أهل البيت كلها أمه و خواته و أخوانه
و صحى أبوه و الخدامات خخخخخخخخخخخ الحبيبه تقول أنا لما سمعته يصارخ خفت أطلع من الحمام (عزكم الله )
و الله كانت متخبيه فيه وتقول لما شفت الموضوع زاد عن حده طلعت و قمت أناديه بصوت خفيف
ولا يرجع الغرفة و يلاقيني جدامه و يصرخ علي صرخه و خلاني انام في الغرفة الثانيه
ههههههههههههههههههههههههههه وكل هذا على أمل أن تعيش ليلة رومنسية لاتنسى وهي من جهة لاتنسى لا تنسى
و إن شاء الله يكون الموضوع عجبكم
دمتم غالين
سبحان الله لنا اطبااااع ….
الله يسعدهم ^^
حراام !
حليلها ربيعتج والله !
كسرت خاطري ~
بس صدق يعني مب كل الرياييل لهم نفس ردة الفعل ،،
و الله يوفقهم ان شاءلله ،،
و عقبال المفاجآت اليايه ،، بس ان شاءلله تكون ردة فعله حلوه شرات ريل اختج ،،
خخخخخ
قووووووويه…سبحاااان الله النااس اجناااس…الله يعوض عليها…^^