عندي مشكله حابه اطرحها عليكم يمكن هي مب مشكله بس هي فيني انا ابا اشوف لها حل
ريلي من يوم ماعرسنا وانا احس انه يحلم في مجال الاعلام
يبا يكون اعلامي سواء مخرج او صحفي او او
بس عشان ابوه ماسمح له يدخل هالمجال ابتعد عنه
بس الحين رد
ويباني اشاركه افكاره وجذه وانا من داخلي ما ابيه يدخل هالمجال
ما ابيه ينشهر
احس بغيره فيني
ما ادري كيف افهمكم والله احس المشكله فيني انا مع انه احيان يجي يعرض علي افكاره يباني اشاركه بس بعد ما ابي
وارد عليه بدون نفس واحسه يسكت
بس مرات ازعل من عمري مابيه يتشارك هالشي اللي يحبه مع احد غيري
بس انا بعد ماحب هالمجال ومابيه ينشهر اغار 
حتى يوم يقولي اخذي راحتج سواء تبين تتوظفين او تاخذين ليسن او او
اييني تفكير انه مب غيور 
وانه يبا الفكه من مصاريفي ومن مسؤوليتي 
احس تفكيري غلط بس ما ادري كيف اغيره عسب جي لجات لكم
احيان يوم يرمسني اكون مضايجه من موضوع فارمسه بدون نفس مع انه هو من النوع اللي يحب الربشه وجي ويحب مرته تكون مثله
وعلى اي كلمه اخذ بخاطري وازعل 
الحين هو متحملني وجي بس باجر شو 
ابي النصيحه والتوجيه منكم
انا توني معرسه وباديه حياتي وياه مابي اتم جي ومابي تفكيري يتم جي
ساعدوني بليز
لج ؛ وسعدكم يا رب
و يظهر انه من اللنوع المبدع و لا تغفلي ان في داخل هذا النوع من الناس حساسية زايدة فلهذا انصحك بالتفاعل معه
اذا كان اجل تحقيق امانيه ارضاءا لوالده فلا تكوني مرة اخرى عائقا امامه
فهميه غيرتك عليه بلطف و خليه يطمننك
ترى اذا ما دعمتيه اننت يبحث عن الدعمم من شخص اخر و تقعين فيما كنت تخافين
خليك سند لزوجك حتى يامن لك و يحكيلك كل شي
الله يهدي سركم و يوفقكم
كون زوجك متفهم ويتمني لك العمل ويسمح لك بتعلم السواقة لا تأخذي هذة الأيجابيات ويتضعيها بخانة التفكير السيء وتقولي يريد يفتك من مصروفك
من الجميل أن يكون بين الزوجين الثقة المتبادلة
وبنسبة لرغبة زوجك بمجال الأعلام حبيبتي كون هذا حلم زوجك وجالس يشاركك بهذا الحلم فهذا أمر أيجابي جدا لأن أغلب الرجال لا يشركوا حريمهم
بأمر يخصهم بالعكس أكسبي صداقتة فالزواج ليس أحتكار ولا قيد يخنق لأن كما تري ما صدق يفتك من تحكم الأب وأكيد لا يريد بتحكم زوجة
والحياة الزوجية مع الوقت تصبح رتيبة ومملة ولغة المشاركة يفتقدها أغلب المتزوجين فكسبي زوجك بالمشاركة والتشجيع والنجاح والحوار المبني علي
الثقة وتمني له الخير لأن بداخل كل أنسان شحنات ورغبات مكبوتة بالعكس خلية يخرجها وشاركية فيها ولا تجعلي الغيرة تخنقة كما قالوا البنات
سوف يبحث عن من يشاركة هذة الأمنية حتي لو كان ربع وأصدقاء فماذا الأفضل مشاركتة أو مشاركة ربعة ؟؟؟؟
وكون طموح زوجك بعمل هذا أفضل 100 مرة من أشياء أخري يلتهي بها
وخذيها نصيحة أكسبي صداقة زوجك فالصداقة بين الزوجين أقوي علاقة وكوني بشوشة مستمعة جيدة بحب بتفاعل بدعم تكسبي قلب زوجك
الله يوفقك ويسعدك دوم
ودام هو يحبج فلا اتفكرين فالموضوع ولا اتحاتين واايد