السلام عليكم ورحمة الله وبركاته …
يالله كل وحده تشل لابتوبها وتسير المطبخ وجدااااااااااااااااااااااااامي
كل وحده عينها في صحنها لاتغشون من بعض ولا بحطلكم 0
اكلتنا اليوم ياحلويييييين وياحلواااااااااات
ربيان بالهمبا الأخضر …
عن تلوع جبودكم ادري كل وحده طلعت لسانها وقالت شو هالأكله …
عن الرمسه الزايده صدقووني لو تضبطوونها بتطلع رووووووووعه وقولوا عجود قالت …
طبعاً الصور كلها من مطبخي العزيز
نبدأ بسم الله بالمقادير …
1) ملعقتين زيت زيتون…
2) 10 ورقات كاري …
3) 3 فلفل اخضر
4) نص ملعقة زنجبيل (اختياري ) انا مااحب الزنجبيل مووووووول ولا طعمه عسب جذه حذفته من مطبخي العزيز
5) بصلتين كبار شرائح …
6) من 4 الى 5 همبا اخضر ..
وهذي صورة الهمبا
7) نص ملعقه صغيره كركم ..وشوية ملح ..
8) كوب كريمه مع نص كوب ماء .. ( في حالة عدم توافر الكريمه ممكن تبديله بالقشطه )
9) ملعقه صغيره حبوب الخردل
10) ربيان طازج
وهذي صوره شامله لكل المقادير …
الحينه نوصل للطريقه ( يالله بالستر )
اول شي قطعي الهمبا شرايح …
مثل هالصوره
miss cavalli حاسبي على ايدج قلنا قصصي بسجينه عاديه مب بشاطور
الموهم
عقب ماقصصتن الهمبا ..
هاتوا جدر نظييييييف واغسلوه عدل الين مايقول بس …
حطوه على النار على درجة حراره معتدله
وحطوا الزيت زيتون + الفلفل الأخضر …
بنات انا ارتكبت غلطه هنه ولاتسوون مثلي …
الفلفل الأخضر انا قصيت راسه لاتقصون الراس حلاته جذه …
انا كنت سرحانه وقصيته افففففففففف اسميني انقهرت…
والحينه نحط فوقهم الخردل والكاري
الرجاء عدم الرد لحين اكمال الموضوع ..
والحينه نحط فوقهم على طول الكريمه او القشطه + الماي
والحينه فوقه على طول نحط عصير ليمونه وحده وشوية كركم واذا حبيتوا ممكن تضيفون بهارات على راحتكم
الحينه يوم بتحسون ان الخلطه كلها انخلطت وبدت تغلي على طول حطوا فوقها الربيان
وكل شوي تأكدوا من ان الربيان استوى …
ويوم بتتأكدون حطوه في صحن بايركس علشان يحتفظ بحرارته
وقدموه وبالهنا والعافيه
وهذي هي النتيجه النهائيه
ملاحظه : السموحه على الصور الرديئه لأنها من موبايلي المفلع خخخخخخخ
واشكر اختي الغاليه ام راشد اللي عطتني هالطريقه الحلوه واتمنى انكم تطبقونها وتجربونها وتغسلون المواعين عقب ماتخلصون وتخبصون
ان شاء الله بجربها
تسلم ايدج
المشاركة الأصلية كتبت بواسطة سهر الليالي 
ربي يسلمج حبيبتي واشكرج على مرورج الحلو فديتج …
يالله جربي الاكله وخبريني شورايج فيها …
ربي يوفقج …