اليوم يايبة لكم فيتوتشيني الفريدووو ،، وبالطريقة الايطالية الأصلية ..
بدون تحريف ،،، وبدون اضافات ،،، وبدون كمون وزنجبيل وبهاارات عربية وأشياااء مالها علاقة بالأكل الايطالي 
أولا ،،، هذا شكل الفيتوتشيني للي ما يعرفه ،،
وهو عبااارة عن نوع من الباستاااا مسوينه بشكل شراااايط ،، يعني الفيتوتشيني هو نوع الباااستا المستخدمة في هالطبق مب اسمه ،، لاني لاحظت انه في بنات يسوونه بالمكرونا العادية ويسمونه فيتوتشيني !!!
المقااااآدير ،،
فطر،، أي نوع تبونه ويفضل يكون فريش مب معلب ..
زبدة ،، حوالي 50 او 60 جم ..
كوب كريمة خفق ،،،
جبنة بارميزان ،، من نص كوب الى كوب ،،، حسب الرغبة ..
وبعد بنحتاااأج ملح ،،، فلفل ،،، ثوم ( انا استخدمت فص واحد) ،،، واعشاب ايطالية ..
المقاااديـــر اللي حطيتها تكفي لشخصين تقريبا ،، تقدرون تضاعفونها حسب الرغبة
الحين الطـــــــــــــريقهـ ،،،
تسلقين الباسـتـــــــــــا في ماي مغلي وملح ،،،
قطعي الفطر شرااايح متوسطه ،، والثوووم شرااايح رقيقة ,,
حطي الفطر والثوم ونص كمية الزبدة على الغااز وحركيييهم لين تطلع ريحتهم ..
الحين ضيفي باقي الزبدة ،، وكريمة الخفق ،، وحركي شوي لين تبدا تغلي،، عقب ضيفي البارميزان وحركي
الحين ضيفي الملح والفلفل والاعشاب الايطالية ،،، بس انتبهي لا تكثرين ملح لأن الجبنة مالحة .. ذوقيها قبل عقب ضيفي الملح
في هالوقت بتكون الباستا جهزت ،، ضيفيها للصلصة اخلطيهم وخليهم يطبخون شوي مع بعض
وأخيـــــــــــــــــــــــــرا ،،،
وصورة أقرب ،،
ان شاااء الله تجربوونه ويعجبكم ^^ ،،
واتريا دعوة حلوة ^^
احس نااقصه مكوناتها ؟!! لان ايحطون ديااي ..
موفقه
تسلم الايادي
تسلم ايدج
المشاركة الأصلية كتبت بواسطة شمسة المرر 
احس نااقصه مكوناتها ؟!! لان ايحطون ديااي ..
موفقه
على حسب الشخص شو يحب انا احط روبيان واحيانا احط بروكلي بدل الروبيان والوالدة تحب نفس طريقة العضوة مع مشروووم وبدون دياي