بطرح لكم مشكلة تخص ربيعتي وتبا نصيحة ،، قلتلها بحط الموضوع في المنتدى عسب تستفيد من خبراتكم وتجاربكم
هي تقول انها تميل لواحد في الدوام وتقول عنه خلوق ومؤدب ومحترم وومب مثل باقي الشباب ،،،وانعجبت بشخصيته ،، هي من النوع اللي ما تكلم حد في الدوام بس هالشخص كان ترتاح تسأله اذا ما تفهم شي بخصوص الشغل ..وكان يرد عليها ,, بس الحينه تحس انها تميل لهالشخص فما تعرف شو تسوي …تبا تبتعد عنها وما تشوفه بس المشكلة هي وهو في نفس القسم ،، يعني مهما سووت بتحس انها ما بتقدر تبتعد عن هالشخص وتتجاهله …هي وايد تفكر بهالموضوع لانه شي يستوي بها لما تشوف هالشخص ..
بشو تنصحووونها عسب تركز عالشغل وما تفكر بهالشخص ..؟
والسموحة
الشغل مب مكان حق الاعجاب والرومانسيه
ترى اذا هو معجب فيها بيصارحها وبيدخل من الباب
واذا مب معجب فيها بيشوفها عادي زميلة عمل مب اكثر
وان استمرت على تصرفها بيحس انها معجبه فيه عقب هي الي بتعطيه الاشاره الحمره
نصيحه خلها تهتم في شغلها وتترك عنها هالخرابيط
وتشغل عمرها فشغلها ابرك لها من هالخرابيط
بيخطبها بس من رمست ربيعتج باين انه الريال في حاله ما بدر منه شي حق شو تنعجب وتحط نفسها في هالموقف ؟؟
الله يهديها
لان
احسهم يقضون وقت الشباب ف الدوام عسب يطوف الوقت
وكل الزيجات اللي اتصير ف الدوام اكثرها تنتهي بالانفصال… انا ما قلت الكل قلت اكثريتها
مجرد رايي الشخصي
إن فضت تتواصل مع أهلها ..صديقاتها…
وإذا في مجال تنقل من القسم…أحسن لها
وخلها تتردد في سجودها ها الدعاء:"اللهم إني أعوذ بك من شر نفسي وشر الشيطان وشركه..وأن أقترف على نفسي سوءا أو أجره إلى مسلم"
والدعاء الثاني بعد بيفيدها بعون الله:"يا حي يا قيوم برحمتك أستغيث اصلح لي شأني كله ولا تكلني إلى نفسي طرفة عين"…وتر هذا من أذكار الصباح والمساء فخلها تقوله بتمعن وخشوع باستمرار..
والله يهديها ويهدي كل مسلم