قروب : الرشاقه هدف نسعى للوصول إليــه ~ 2024.

الغاليـآت . . "

اليوم نزلت هالموضوع عشان نلم شمل المتسابقات ..
الي معانا في قروب : الرشاقه هدف نسعى للوصول الـــيـه ~

والبنات الي بيكونن معايه حددت آسآميهن هن :

أم مايد
سنيوره دبي
ريم العين
أحلى إماراتيه
tarfah
أحب بلادي
miss2010
الصدى
salwa221
chocolat00
shoooge
رووورووو

وبنبتدي يوم السبت تاريخ : 12 / 12 / 2024

وإسمحلي ماقدر آزيد .. لأننا نبا نهتم لكل عضوه .. ونتم وراها لين تشمي على الريجيم صح .. ولا شو رايكن =)

الريجيم الي بننتظم عليه لمده 20 يوم هو ريجيم عذاري .. هذا الريجيم صحي وايد .. والدليل الاكل الي موجود فيه .. مكون من بروتينات وغيرها .. وهو مأخوذ من مركز الرابح الاكبر ..

هذا هو :

رجيم عذاري …انحفي 15 كيلو في 20 يوم

السبت :
الافطار : جبنة قليلة الدسم 100 جم + توست + شاي أقهوة
الغداء : 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشاء : كوب كبير عصير برتقال + علبة زبادي قليل الدسم

الأحد:
الأفطار . 2 بيضة مسلوقة مع شاي (
الغداء : سمكة مشوية كبيرة + صحن سلطة خضراء ..
العشاء : شابورة ( طبعاً بر ) مع قطعة جبنة مع شاي أو قهوة

الاثنين :
الافطار . بيضة مسلوقة + برتقاله + شاي أو قهوة
الغداء : لحم مشوي غير محدود الكمية مع حبة طماطم أو خيار.
العشاء : كوب حليب قليل الدسم ويفضل منزوع + شابورة بر..

الثلاثاء :
الافطار: شريحة جبنة قليله الدسم + توست ( بريد بر ) + شاي أقهوة .
الغداء : نوع واح من الفاكهة …
العشاء : لبن قليل الدسم مع توست ( بريد بر )

الاربعاء :
الافطار . 7 حبات تمر مع قهوة
الغداء: دجاج مشوي بدون جلد غير محدود الكمية .
العشاء : 3 بيضات مسلوقات مع توست

الخميس:
الافطار : مفتوح
الغداء: مفتوح
العشاء : مفتوح

الجمعة :
الافطار . جبن قليل الدسم + 2/1 خبزة + عصير برتقال …
الغداء : لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ….
العشاء : مفتوح.

ملاحظة :
مفتوح تعني اختيار أي وجبة مما سبق في الريجيم
واذا حسيتي بالجوع مررة بين الوجبات كلي تفاحة ..
ممكن استخدام سكر الخاص بالرجيم
يكرر الاسبوع لمد 3 اسابيع هذا النظام يخس الشخص 15 كيلو في 20 يوم ولكن بحسب نوع الجسم يعني اذا كني اول مرة تتبعي رجيم راح تنزلي

حبيابتي قروب الرشيقات .. أنتظمن على الريجيم نظام عدل .. اذ تبن تنزلن صدق .. يعني اذ مانتظمني عليه عدل ماتظعفين .. وبتتعبين عمرج على الفاضي ..

والرياضه الرياضه الرياااااااضه .. ماوصيكن لا تخلن الرياضه ولا يوم الي
متعوده ع المشي تمشي ساعه كل يوم { ساعه } لا تنقص ولا دقيقه ..

والي هب متعوده تمشي 30 دقيقه ولا تنقص ولا دقيقه .. واليوم الي بعده 35 واليوم الثالث 40 وكذا إستمري ..

لا تخذلني بنات .. رجيتكن أبآكن نتنظمن إنتظام مابعده نظام .. عشان الي تخبص تشوف منكن وتتحفز ..

غاليات اذ ماضعفنا الحين متى بنظعف ؟!
الي هب معرسه صدقيني يوم بتعرسين وانتي متينه مابترتاحين ابدا لا بتتكشخين ولا بتلبسين شي فـ خاطرج حتى لو ريلج راضي بجسمج أنتي مابترضين .. لو إنتي ضعيفه بتلبسيين كل شي ..

والي معرسه أكيد تعاني وتعرف كل شي .. لأنها لو حملت بتتعب من كثره الشحوم وغيرها .. ولا بتقدر ترقد مع ريلها وهي فيها كرش وارداف كبيره .. بتبين أنها اكبر منه بوايد

* خلونا نبتدي وحقق كل مرادنا .. وبعد النزول بإذن الله بترتاحين نفسيا وجسديا وروحيا ..

* آخر الليل ضروري كل وحده تكتب لنا تقرير شو كان نظامها اوكيه ولا لا ..
* والي حابه تضيف صور بيكون أحلا ^^

وفي الاخير :

ولو سمحتن الي هب مشتركات إذ حبيتن تردن على الموضوع شجعنا ونصحنا بس .. ياريت مانخرب الموضوع بالسوالف

غير المشتركات بس ..

هذي فرصه حلوة لاتستهينين فيها ..

وان شاء الله ألقى تفاعل من قبل المتسابقات ..

ختكم :