هذا موضوع شامل
كل وحدة تخبرنا تجربتها في تخفيف وزنها عسب الكل يتشجع
شو تسوي و شو تاكل و كيف نظام الرياضة و هل مشتركة في جم او في مركز للوجبات الصحية
و اللي تشرب ينسون و سوالف و جاي اخضر
وكم كان الوزن و كم صار ..
يا ريت لو المشرفة تثبت الموضوع لاني اجوفه مهم جدا و يشجع البنات
و حياكم اقربن
أنا جربت وايد أشياء .. وأحاول بكل جهدي .. بس أخربط أحيانا ..
والمشكلة في الليل أعزم ومن يظهر الصبح ايوووع .. 
اتبع هاي المقولة فقط تناول إفطار ملك ,وغداء وزير ,وعشاء فقير
الريوق الساعه 11: ع كيف كيييييييفي و اخربط عادي فلافل ع ما ادري شوو ع دياي مايونيز ع سويت من شبعت اوقف بسرعه
( مشكلة لو تجوفون اكل بنات الدوام بتنتحرون ورق عنب ع سويتات ع خرابيط احاول امسك عمري )
الغداء الساعه 2-4 ع حسب: سلطة و اكون شبعانه غالبا خخخخخخ ولو لو لو يعت قطعة دياي صغيرة او سمج
العشاء الساعه 7-8: شوربة او اندومي هههههههههههههههه و مرات اتعشى عادي بس كمية بسيطة و قبل النوم ب 2 3 ساعات
و بصراحة ينزل وزني بس بصورة بطيئة ع ها الريوق المخربط
و اسوي رياضة مرة في الاسبوع مرتين ثلاث و مرات اسوي و مرات لا اتعايز
بس النتيجة حلوة ولو انها بطيئة لاني ما ابذل جهد كبير
احاول حاليا ازيد جرعة الرياضة و جم و بشتري لي شاهي اخضر و ينسون و ها السوالف