تعبت من حب الشباب 2024.

بنات ياحلووات ابا حد يساعدني من انا صغيره وويهي مترووس حبووب تروح وترد
اتعالجت فادني فترة بعدين بدا مفعوله يرووح مع اني استخدمه بانتظام استخدمت دوا اسمه bezac
وخذت حبووب بعد ونفس الشي ،، وسويت فحوصات وتحاليل والحمد لله كل شي تمام

للعلم انا بشرتي دهنية ،، بنات بلييز خبرونى تجاربكم ويا حب الشباب وشو استخدمتو وشو فادكم

اختي…يوم الا بشرتج دهنيه والحبوب تسير وترد يبقى لازم تسوين كونترول عليها عشان ما تزيد عليج الحاله
اتأكدي ان روتينج اليومي مناسب لطبيعة بشرتج وممكن تغيرين الماركه اللي تستخدمينها لانها ممكن تكون هي السبب وبشرتج مب متقبلتنها(انا كان عندي نفس الحاله من سنين وما خليت دكتور ولا خلطات ولاشي ماسويته وظلت عندي نفس المشكله حبوب تظهر وتسير مع ان بشرتي تغيرت واستوت جافه لكن المشكله ظلت والحمدلله الحين من شهر ارتحت من هالحاله يوم غيرت الرغوه والكريم الليلي مع اني مغيره هالشي وايد من قبل بس ما كان يفيد)
×غيري مخدتج كل يوم
×لاتتركين شعرج يزيت وايد اغسليه باستمرار
×شيكي مكياجج ما فيه شي قديم او نوعية الفاونديشن والبودره يمكن ما يناسبون البشره الدهنيه وحتى واقي الشمس
×ابتعدي عن الفاونديشن والبودره من ماك لانهم مب للاستعمال العادي هاييل للاستخدام السينمائي يعني وايد ثقال ع البشره
×اكلي كل يوم برتقالتين من النوع اللي يكون ممزور ماي مب ناشف
×عرضي بشرتج يوميا للشمس حتى لو ربع ساعه (شمس الضحى او شمس العصر لانها بارده)
× لازم استشارة دكتور جلديه زين عشان يساعدج

obagi cream

اختاري اي صابون مثل :
الصندل
الكركم
ميديمكس

وكركم البشرة هو اللي بيعالج بشرتج

انا شراتج حتى الدكتوره تعيبت مني ان للحين يظهر لي اعتمدت اول شي على تنظيف المصران وزهورات زين هذا عسب التنظيف داخليا يعني المساك ممكن يكون سبب

وخارجيا اعالج عند الدكتوره وعكتني الدوكين ورتن لاني ما حبيت اخذ روكتان خذتها وما شي فايده

ابتعدي عن منتجات الالبان او قللي منها لانها مفيده بس هي سبب بعد لحب الشباب

سوي ماسك السدر واخلطيه مع ماي بس يوميا لمده اسبوعين وعقب يوم ورى يوم

هذا اللي انا اسويه ^_^ الا السدر احط احيانا بس لاني اعالج

نفس الحاله بس الله كريم

نسيت اقولج لاتاكلين واايد وعقب ترقدين عليه لانه يسببعفونه في المعده فبالتالي حبوب فالبشره >>>>>>>>>>>>> عاشت الخبيره كح كح