ليزر الحسم كامل بتايلند ؟ والسعر الخيااالي 2024.

بسم الله الرحمن الرحيم

السلام عليكم ورحمة الله وبركاته

مرحبا خواتي.. شحالكن ؟؟

الغاليات ..

بغيت أعرف اكثر عن الليزر للجسم الكامل بتايلند سمعت انه يكلف بالكثير 2500 الى 3000 وهني الاسعار اقل شي تكلف 20 او 30 الف

أتمنى ادلوني على مكان او مكتب ينظمون لي السفره .. .. واللي جربت تخبرني عن الاسعار؟؟
بكون شاكرة لكم .. واللي ماتعرف ترفع الموضوع بليز

والسموحة

حبيبتي شكلج تتحسبين الليزر جلسة وحدة وبس

لا الغالية الليزر جلسات شهرية .. موب معقولة بتسافرين تايلاند كل شهر عسب جلسة ليزر !

الشيء الثاني الجلساات ب 1800-4000 درهم كل شهر بحسب نوع الليزر اللي تسوينه والعيادة وأسعارها وبعد تفرق لو أنتي من دبي والشارجة العيادات أخرص عن بوظبي والعين

النقطة الثالثة وهي المهمة جدا .. الليزر يختلف من جسم لجسم .. أختي في 4 جلسات خلصت وما قام يطلع لها الشعر وتحولت للجلسات اللي كل 6 شهور جلسة ..

وأنا خذت سنة وزود علشان أخلص الجلسات الشهرين وأتحول للجلسات اللي كل 6 شهور .. لا وموب كل المناطق تم الويه والاندر آرم يحتاجون جلسات شهرين سنة ثانية ..

لأن طبيعة جسمي وشعر جسمي ما تجاوب عدل مع الجهاز .. مع ان خواتي تجاوبت أجسامهم بسرعة ..

أهم شيء السعر ابو 30000 ألف هذا يكون بكج حق 7 أو 10 جلسات .. وأنا أشوفه مناسب جدا ..
لأن مافيه جلسة ليزر وحدة بهالمبلغ أبدا

هلا أختي عندج عيادة الرياض الجلسه الوحدة جسم كامل ع 2000 بس الويه جلسة 200 بس

مشكورة قلبي

– – – Updated – – –

هالعياده فأي اماره غلاتي ؟

فديتج انتي تأكدي من السعر للجلسة الوحدة
و جوفي لو عندهم باكج

الحين اغلب العيادات اسعارهم زينة من 2000 – 3000 درهم
و ادخلي موقع كوبون بتلقين وايد عروس حتى ع 2000 و 1500
في عيادات في جميرا في شارع الوصل اسعارهم وايد زينة و يسون عروض
و عندج عيادات في الشارجة و مكودة ع ها الاسعار

ما يحتاي تسافرين

أختيعيادة الرياض ف شارجة

مشكورة حبيبتي

– – – Updated – – –

مشكورة حياتي