مرحبا خواتي شحالكم..انا حيييييل مضايقه واباكم تشورون علي
انا تعرفت على وحده من البنات من 3 سنوات نحن مع بعض..وكله نطلع سوا وهي صديقتي الوحيده هنيه في دبي لان ما عندي حد هنيه غيرها وكل ربيعاتي في بوظبي لاني انا اصلا من بوظبي وريلي من دبي
المهم.. انا ما ادري شو بلاها ما قامت تتصل والبلاك بيري تقول قطعته بسبب الازعاج
وكل ما قلت لها تعالي عندي حياج ولا خل نطلع من زمان ما شفنا بعض تقول لا جسمي ملتهب من الشمس لانها كانت في البحر واول ما اتصل لها تقولي لسته امراض توني راده من المستشفى وتوني ماخذه ابره
ولو اسالها ليش ما تتصلين تقول انا كنت مريضه عادي يمر اسبوع ولا اسبوعين ما نتصل
يمكن انا اتعبرتها صديقه حيل معاي
ما اعرف ششو اسوي اطنشها ما اتصل لها ولا اصبر يمكن مريضه
مع العلم انا سافرت العمره ورديت ما شفتها ..حتى انا تعبانه ترا والله اعلم بالحال بس انا اتواصل معاها
… قبل فتره سالتني امانه انتي مرتاحه معاي مب مضايقه استغربت من كلامها قلت لها انتي شرات اختي ..
انتوا تتوقعون هي فعلا مريضه بس مريضه شهرين ..ولا هي تتهرب وليش ما تتصل وتسال
…..
اسمحوووولي طولت عليكم بس انا حيل مقهوره
حبيبت اقولكم شي انا خوات ريلي كل وحده في حالها ومش اجتماعين ابدا وما اشوفهم الا في المناسبات وبس
انا عندي ريلي دوم يالس معاي الحمدلله ونطلع سوا مب مقصر الحمدلله
وعندي ربيعاتي في النادي بس انا ارتاح معاها يعني احسها صديقه زينه ومحترمه وما اعرف شو سبب كل هذا
ريلي يقولي اصبري والتمسي لها العذر
او اهل زوجك الي في دبي احضري جمعاتهم النسائية وكده وبتتعرفي ان شاء الله على صديقات اكثر
وعمره مقبوله ان شاء الله
ان شاء الله يكون خير ومادام سئلتك انك مرتاحه معها فأكيد في خاطرها شي ويمكن تكون مريضه من جد
طيب انتي روحي زوريها واسئليها عن سؤالها وليش انها بتبعد واكيد انتي حترتاحي لما تكلميها وتشوفي ردهااا واذا شفتيها مازلات تتهرب
ابعدي بلحسنا … واكيد فيه بنات ممكن تتعرفي عليهم ويكونو اصدق والاهم ماتكدري خاطرك
وان شاء الله يزول سوء التفاهم وترجعو احسن من الاول او يسخر لك رب العالمين صحبه صالحه غيرها
الله كريمطيب ليش تتهرب منج
بتذبحينها مثلا
لو انا منج بصارحها وباسالها ليش تسوي جذيه
انا وحده جربت هالنوع من الصداقة كانت عندي ربيعه كنت اشوفها كل شي وكنا تفاصيل حياة بعضنا نعرفها بدون اسباب ابتعدت عني لا اتصال ولا سؤال اتصل ماترد وانا عاملتها بالمثل
ماخلت الدنيا من الناس
الناس جيه حبيبتي بعضهم معدن رخيص