صراحة ترددت اكتب الموضوع بس ماعليه كله كلام وبطلعه من قلبي
انا كنت ادور جامعة ومع الآيلتس ماقدرت ادش لآني وافده والجامعات الخاصه لازم ايلتس خاصه مع التخصص اللي اباه
المهم هالسنه انصدمت اني لازم اقعد فالبيت
تونا بداية السنه وحاسه الفراغ ذبحني
بنات انا شخصيتي احب اطلع واحس مني فايده ، اتعلم واستفيد
بس كل شئ تحطم ، مآفيه شئ يستاهل اعيش عشانه
احس ما مني فايده ، كأني صنم ! ، انام واقوم وآكل ومالي خلق اكلم حد
ظروفنا ماتسمح لي اطلع وين ما ابي ، شهور وانا قاعده فالبيت 24 ساعه
والله العظيم تعبببت ، فيني ضيقه وفراغ واحساس يقتل ، كرهت نفسي وكل شئ
خاطري اتغير واحس عندي هدف وشئ اعيش عشانه ، اشوف الناس حولي اللي ملتهي بحياته واللي يطلع واللي سعيييد واللي مشغول
وانا قاعده مع نفسي وكل شوي ابكي
حتى ربيعتي اللي كانت قريبه مني انشغلت بحياتها و نستني
مادري شو اسوي ؟؟ ساعدوني
أنصحج تروحين لأقرب مركز تحفيظ القران
القران يخلي حياتج حلوه
وشوفي كيف بتتغير
حتى الي يشتغلون وعندهم عيال
اكيد في شي بس الشخصيات تختلف وردود الفعل تشتغل
مثل ماقالت الاخت زوجة الملازم
روحي مركز تحفيظ قران
هناك المراكز فيها حريم وبنات بتتسلين وتحفظين وممكن تسوين صحبه بتشوفين الكبير والصغير
خذي اذا تقدرين دوره مثلا في الايلس وحاولي تطلعين مب ضروري كل يوم كل يوم
فتره وفتره عشان تغير جو
لو مثلا حديقه
و لاني وافدة وظروفي ما كانت تسمح اني ادرس بالجامعة او ب اي معهد بعد سنة كاملة كنت فيها فالبيت دخلت غصب عني معهد التمريض ,, لاني كنت اكرهه ,, ولا زلت
المهم امي لاعت جبدها مني وخلتني اروح بالغصب هههههه
ودرست وتخرجت و الحين اداوم واكرهه كل يوم اكثر من قبله .. لكن الحمد لله على كل حال
انا اقتراحي ان تبدي مشروع تجاري عالنت ,, بالمنتدى والبي بي
او تصيري مندوبة للتاجرات .. بتضيعين وقتج وبتستفيدين بنفس الوقت
و من فترة كانو مطرشين لي مسج عن معهد التمريض بعجمان ,, ماعرف لو خلصو تسجيل او لا
بس ادرسي حتى لو ما تحبينه لانه الشهادة مهمة ,, وممكن تدرسين وما تداومي
وفي بعد معهد فاطمة بابوظبي للتمريض بعد يقبلون وافدات بس حسب النسبة
سوي مشروع صغير..يعني مثل تاجرات المحاشي هالمشروع جدا ناجح منها تترزقين ومنها تستغلين وقتج
لو انتي شاطره فالانجليزي او المواد العلميه درسي خصوصي
عندج وايد خيارات وانتي فكري فيها
موفقه
بالعكس لاتحطين ببالج ان مافيه دوري واسعي ورب العالمين يوفقج