اخواتي الغاليات ادري محد بساعدني غيركم
محتاجة افكار لتزيين صف دراسي للمرحلة الابتدائية
بإنتظار ردودكم حبيباتي
ممكن تخلينهم يساعدونج في التزيين ,
مثلاً :
تسوون مثل هالتعليقات من الورق المقوى,
وكل واحد باسمه و طريقته في التلوين و التزيين . .
تعلقونهم عاليدار ,
ويسلمون الواجبات أو النشاطات فيهم ,
والشاطر تحطيله ستكرات نجوم من برع عند اسمه . .
.
.
ترسمون رسمة كبيره عبارة عن سباق سمج في البحر ,
و فيها وقفات , كل وقفة تكون شهر معين أو درس معين ,
ونقطة الانطلاق september 2024 ,
وتسوون سمج صغار(الطلاب) و سمجة كبيره ( المدرسة) . .
في بداية السنة توقفون عند september 2024 ,
وكل ما تخلصون كم درس أو شهر تحركون السمج ,
لين ماتوصلون آخر شي عند نهاية الفصل الدراسي . .
.
.
مجرد أفكار بسيطة ان شالله تفيدج ^.^
لأني ماعرف أي صف . .
حضرت مرة يوم دراسي معاها…. ما شاء الله عليها
في قمة الإبداعكانت حاطه بورد فيه بس مربعات وطبعا عددهم عدد الطلبة الللي في الصف
وكانت طالبه من كل طالب اول السنة الدراسية صورته الشخصية وهي علقتهم في شكل ولا أروع مثلا البنات وردة والأولاد على شكل سيارة….
وعودت الطلبة إنهم أول ما يدخلون الصف ياخذون صورهم من طاولتها ويعلقونه في المربع ع البورد… وجذي يكون حضورهم واضح من الغياب…
واااااااااااااااااااااااااايد عيبتني الحركة والشي الثاني عقب ما تتعرف ع الطلبة من ثاني أسبوع أو شهر، تخليهم على شكل مجموعات وكل مجموعة تسمي إسمها وهي كونت خمس مجموعات وفي كل مجموعة أربع طلاب… وجذي تعلمينهم على التعاون
بس الشي اللي أحلى وأحلى عندها كورنر فقط للعقاب ييلس عليه الطالب المشاغب
ههههههه للتأديببعد الشي اللي احلى وأحلى وأحلى عندهم مكتبة تخص كل طالب يحط فيه أنشطته، مثل التلوين أو الرسم أو ….. أي شي
بس الزينه بعد روووووووعه ( هذي من عندي) شو رايج بلوحات تشجيعية
مثلا لكل أسبوع تحطين نجمة للطالب المتميز عندج وفي وحده في المنتدى كانت عندها أفطار روووووووووووووووووووعه إن حصلتيها قوليلي
إن شاء الله بس عجبتج
وااااااااااااااااااااايد
واااااااااااااااااااااااااااااايد
حبيت افكار اختج
اساليها لو ما عليج كلافة لو عندها افكار ثانية
شكلها فنانه وشطورة ما شاء الله
إن عندهم صندوق من الخوص تعرفينه اللي في سوق الجمعة يكون تقريبا الحجم متوسط
وتخلين فيه كل الأنشطة طبعا أوراق عمل مثلا الأحرف والأرقام والرسومات طبعا كل ورقة لها نسخ كثيرة جدا… وكل الأنشطة كأنها واجبات
وطبعا إتي للموظفة أيام إنها تغيب أو عندها شغل ثاني وما تقدر تحضر الصف فعلى الطلبة إنهم ياخذون ورقة عمل من الصندوق ويسوونه في الصف (هالأوراق مب للواجبات المنزلية)…. وعقب ما يخلص الطالب منه يكتب التاريخ عليه وإسمه ويحطه في المكتبة وفي خانت اسمه
… وطبعا لاتنسين إن كل طالب يكون له أكثر أوراق عمل يكون الطالب المتميز…. افكارك جنااااااااااااااااااااااان بجد ما شاء الله ما جت الفكرة ببالي والله قبل يومين رايحة السوق وشفت سلة حليوة وقلت زين اخذه للدوام بس قلت شو بحتاج فيها وما خذتها شكلي برجع لها