ياااريت تفيدوني في كتابة قصة للأطفال عن الخرافات الخاطئة الي تربينها عليها.. من مثل اذا رفت العين يعني في شيء مب زين بيصير .. يعني من هذي المعتقدات الخاطئة .. انا اريد اسوي كتاب للأطفال يحتوي على اكثر عدد من هذي الخرافات وممكن يفيد أطفالنا ويوعيهم بأن لاووجود لهذي الخرافات في حياتنا وانها مجرد اكااذيب فقط نبني فيها احساسنا بما سوف يحصل في المستقبل ..
ياريت يا بنات تفيدوني شو مثل هذي الخرافات الي ممكن اكتبها في الكتاب الي بسويه ان شاء الله.. ويجب ان تكون هذي الخرافات منشرة ومعروفة في مجتمع الامارات بالتحديد.. يااريت الي عندها اي فكرة تسااعدني ..
ومشكوورات غااالياااتي
وحلوه فكرتج وبالتوفيق الغاليه ^_^
واذا حبيتي اصمملج غلاف لكتابج ترانيه حاضره..
وانا عن نفسي تربيت واخاف من صوت طير واسمع صوته دايما قريب المغرب لما امي حبيبتي تسمعه تقول الله يستر احس فعلا بصير شي لان تعودت على هالشي وهاي خرافة أصلا
وسالفه يوم يطيح سن من اسنان الاطفال يقولولهم بتاخذه الغزاله وما ادري شوه نسيت الباقي
وفي شي قريته هنيه في المنتدى غريييب ويمكن يناسب الاطفال
انه اللي يمرض ممكن يكون السبب من اسمه فيغيرون اسمه ويصير بخير !!