مدرسة الاتحاااد ونظام التسجيل 2024.

والله مقهوووره ضيعت ع بنتي سنه والسبه نظامهم العام سرت وقالولي لازم اتكووون مكمله 4 سنين والسنه وانا اتصل واسير لهم وقالولي الاولويه طبعا للاخوه والتسجيل للكيجي بيكون 4-4 والله امس من الصبح عندهم ويوم سرت قالو ما شي تسجيل اكتفوو بالاخووه احس ظلم والله يقبلووون 40 بنت و 40 ولد للكيجي انا مب معترضه ع العدد لانه صح هل التفكير كل ما قل العدد عيالنا بتفهم وبستوعب عدل بس القهر احنا اللي ما عندهم اخووه ينظلموون لو انهم يخلوون 20 بنت و20 ولد بس للاخوه و 40 الثاني لغير الاخوه جيه بيكوون اعدل واحسن هذا طبعا من وجهة نظري واللي يقهر قعدت في المدرسه لين الساعه 9 وشوي عسب اتريا المديره واشوف اذا في امل عسب بنتي والله من القهر بنتي قالت المدرسه مب حلووه وانا اقوول ورااها هيه ماما صح مب حلووه كنت بصيح من القهر ع بنتي بس للاسف اتخيلوا مدريرة مدرسه وما داومت لين التسع الله اعلم اذا يت عقب ولا لا لاني كل ما اسالهم قالو لي بتي الساعه 8 وعقب يمكن ما اتي و… و… ااااه والله نفسيتي تعباانه وخلااص عقب هذا كله سرت سجلت بنتي في مدرسه حكوومه وبتكوون كيجي 2 ضاعت ع بنتي سنه كامله والله لو اعرف رقم المسؤوول جان اشتكيت بس تعالو نسيت اخبركم اني خلاال تواجدي في المدرسه شو شفت يوم كنت في غرفة التسجيل يت حرمه وقالت ابى اجيك ع اسم بنتي قالت لها بنتج عندها اخواه قالت لا بس امسجله وصح كان اسم بنتها مووجود ؟؟؟ شو تفسير هذا …..؟؟؟ اكتفوا بالاخوه وفي ناس مسجله من قبل .. وبعد بزيدكم من الشعر بيت كان فيه ظابط يايب اوراق ولده وقالوله ما في تسجيل اكتفوا بالاخوه ب طلع من غرفة التسجيل وروح عند وحده ثانيه كتبت اسم ولده ويت عند نصره مال التسجيل قالت بنقلج الاسم من فووق شو تفسير هذاا …. واسطه في كل مكاان حتى في المدارس اناا اعرف طولت عليكم بس والله افضفض عسب انسى كل شي تراني طلعت عيووبهم خخخ بس عشان بنتي ما انقبلت وهذي اللي مال التسجيل اللي اسمها نصره والله ما عندها اسلووب اتحااور الناس اسلوبها دفش ما عيبني تعاملها مع اللي ايوون يبون يسجلوون حتى اذا اتصلتي تلفوون يكلموونج من ورى خاطرهم الاولويه حق الاخوه الاولويه حق الاخوه مب حقكم …

لاحول ولا قوه الابالله اعيالنا بيضيعون والسبب الواسطات
الله المستعان

سبحان الله

نفس الموقف اللي صار معاي

أختي التسجيل كله واسطة في واسطة

وانا كنت هناك بعد عشان اسجل بنتي ومن قبل مراجهتنهم 4 مرات ودوم تقول لي مالة التسجيل 4-4 تعالي

ويوم سرتلها اتخيلي الساعه 7 وربع قالت خلص التسجيل وماشي مكان

والله انه اسلوبها قمة في الدفاشة ولا تصلح لهذا المكان

ما اقول إلا حسبي الله ونعم الوكيل

تسلمين فوفو ع مرورج

مشكوره الغاليه بس ما بليد حيله غير انه نتكلم ونفضفض

نفس الحالة في مدرسة الامارات
خلاص بسجل عيالي في الحكومية لا اخسر ولا اعور راسي وياهم الله ياخذ الحق منهم
والله المستعان

الله المستعاااااااان بس كلة شغل وااااااصطاااااااااااااات
نفس الي صاااااااااااااااار لي