السلام عليكم و رحمة الله و بركاته . الصراحه انا أول مره أشارك في القسم هذا . مشكلتي مع بناتي الله يهديهم ما يرتبون غرفتهم إلا بعد كلام وصراخ وياريت الترتيب يكون عدل الصراحه انا ما أخلي الخدامه ترتبها ولا تنظف حمامهم لأني أباهم يعتمدون على نفسهم . واليوم قررت أقفل باب الغرفه وأحرمهم منها واللي عندها حل ثاني تخبرني أو أي أسلوب ثاني استخدمه معاهم بناتي أعمارهم 15 .12.10 الله يحفظهم و يهديهم ويهدي جميع بنات المسلمين .
حرام اختي خلي الخدامة تنظف حمامهم على الأقل.. خليهم يساعدونها لو يبون بس مب كل شي عليهم حتى الحمام.. احس تقدرين تعلمينهم عالمسؤولية وتحببينهم فيها لو خففتي عليهم شوي. يعني سويلهم مسابقة انه اللي تنظف غرفتها بأحسن طريقة تعطينها بيزات او تاخذيلها هدية او تطلعين معاها بروحها وهكذا. بيتعلمون ان شا الله.. الله يفرحج فيهم وتشوفينهم عرايس يارب.
حلو انهم يتعلمون تعديل غرفتهم و ترتيبها
بس الحمامات و انتي بكرامة خلي الخادمة تنظفها ،،،
الغرف لازم يعتمدون على نفسهم في هالعمر احس لان بداية
سن المراهقة لازم تاخذينهن باللين ،،، و الكلمة الطيبة
انا بنتي اخليها تعدل أغراضها بسم الله عليها عمرها 7سنوات
بس بمساعدة الناني مالتها
سويت مسابقات وشجعتهم وايد ولكن الله يهديهم يرتبون بهذيك اللحظه وعقب إهمال حبيبتي 15 سنه مب صغيره المفروض تكون مسؤوله مسؤوليه كامله الحين ردوا من المدرسه وحصلوا غرفتهم مسكره قلت لهم دبروا أعماركم انتوا ما تحتاجون غرفه وما تقدرون على ترتيبها خلاص ما يحتاج والحين كل وحده زعلانه .
سوي لهم جدول
كل يوم وحده منهم ترتب الغرفه والثانيه يكون عليها الحمام وهكذا
كل يوم وحده منهم ترتب الغرفه والثانيه يكون عليها الحمام وهكذا
نفس الشي سويت لازم اجلس وراهم وانا أريدهم من نفسهم
صعب ان مرة وحده تخليهم ينضبطوا
اشوف ان تفتحيها لهم وتقولين لهم اذا مرة ثانية جيت وشفتها مب مرتبة بقفلها وناموا بالحوش
او بعطيها الخدامة تنام فيها
وانتم بكيفكم
هالمرة عطيتكم مجال
المرة الثانية ما بتدرون غير كل اغراضكم مصادرة للخدامة مع الغرفة
نقصد للبنات الضغار اللي عمارهن 17 لين 23 مشططات للزواااج هع هع هع هع وحتى اللي تبة تحط رايها تحطه ومنكم نستفيد …
المشاركة الأصلية كتبت بواسطة m2lak..uae 
ما. شفتها بس نكلم بعض يوميا وساعات يوم وترك واهيا كانت بالنسبة لي. كلوز بس من الفترة اللي عرفتها فيها ما كانت تسولفلي عن حياتها وشو تسوى إلا بشكل سطحى أما أنا كنت يوميا أخبرها عنيه وعن. هليه وين أسير وجي يعنى عنى بالكامل.تمينا وي بعض تقريبا 2 اووو 3 سنوات ما أذكر وتعودت عليها والصدمة الكبيرة8-| كانت آخر سنة. 2024 وبالضبط بعد عيد الاتحاد اختفت البت ما أعرف أي شيء عنها مول ولا أي شيء اتصل محد يرد أطرشلها على البيبي ما ترد ولا تشوفه ما فقدت الأمل لأن في خاطريه أعرف السبب مع أنيه ما غلطت عليها ؤمستحيل هالشي أربيعتيه. بس بالفون من غير طلعات بس صدق صدق مصدومة من. حركتها ولو كان عندها عذر بس ذوقيا تتواصل اوو أطرش شيء أكيد تشوف مكالماتيه تعتذر أقل شيء خبرت خواتي اللي قالت خلاص خليها ؤاللي قالت لازم. تتصلين وتعرفين السبب من باب الصداقة بس المشكلة إهيا ما ترد بس أفكر اتصل من رقم ختيه يمكن ترد لأن تعرف رقميه بس جد مو مسامحتها لين تقولي السبب !! والحين حابة أعرف رأيكم بليزز خبرونيه لأن. جد محتارة في هالسالفة
