بناااات بلييز ساعدوني . انا يديده فسوالف الميكأب بحكم اني اكبر خواتي و ماماتي قبل ماكانت تسمحلي احط ميكب غير جحال و غلوس
سو . ابا اسأل شو يعني بيس ؟ الاحظ وايد تقولون فلمنتدى حطي بيس قبل الشادو . انزين يعني البيس بس لمنطقة الشادو ؟ ماشي للفيس كامل ؟ و اذا حطيت بيس عالعين ماحط كونسيلر و لا بودرة ؟
لحد يقولي دوري في يوتيوب و غوغل لأني بروحي بديت اسوي هالشي و جمعت شويت انفورميشنز .
و أي معلومه حطوها لي بلييييز
هلا الغالية
اهم شي تستخدمين قبل الميكب ب3 منتجات :
*غسول
*تونر
*مرطب
و وايد بتحصلين ماركات زينة
عندج بيودراما و كلينك و كلارنس و وايد غيرهن
بعدين بيس للميكب
وعندج بعد وااايد بتحصلين مناسبات للبشرة المختلطة
عندج من كلارنس و ميكب فور ايفر و سماش بوكس و جيفنشي
وبعدها الاساس و في 3 انواع :
* كريمي : مناسب للبشرة الجافة و العادية
*مائي : مناسب للبشرة الدهنية و المختلطة : عندج من بن ناي ايد اوكي
*سائل : مناسب لكل البشرات تقريبا بس بالنسبة للبشرة الدهنية و المختلطة اختارو الاويل فري (خالي من الزيوت )
*مضغوط : مناسب للبشرة المختلطة و الدهنية و العادية عندج من ماكس فاكتر و شانيل و جورجيو ارماني
الكونسيلر خافي العيوب :
* الاصبع : تغطية ثقيلة وممتازة و لكن تسبب الترهل لمنطة حول العيون و تجاعيد
*السائل : انسب انواع الكونسيلرز و احسنها لان في منها تغطيتها عالية و فيها نسبة مرطب : عندج من ديور و بوبي براون
المضغوط :تغطية جيدة ولكنة يسبب تجاعيد لمنطقة حول العين عندج من ماك و بوبي براون
البلشر :
البودرة : اكثر شي منتشر عندج من NYX و ماك واايد حلوات
الكريمي : لون قوي و واضح من ميكب فور ايفر
الموس : حلون واضح لونق لاستنق من ميبلين
بيس الشدو :
يساعد على ثبات اللون و ابراز اللون و عندج من
اربن دكاي
ماك
و مايحتاي اتحطين عالجفن اي شي غير البيس و يعدة الشدو دايركت
الشدو :
الكريمي : حلو بس مع كثرة الاستخدام يسبب تجاعيد و ترهل للجفن بتحصلينة في ماك
البودرة : اكثر شي منتشر سهل الدمج عندج من ماك و نوبا
المائي :الوان واضحة و قوية بس بسرعة يجف يبالة سرعة فالاستخدام عندج من بن ناي و كرولاين
الكحل :
القلم :الوان متنوعة و عندج من برستيج و برجوا الوتر بروف
الكريمي : لون واضح جدا و ثبات من ريميل
الايلاينر :
السائل : سهل الاستخدام عندج من لانكوم و سان لوران
الكيك : يجف بسرعة بس سواد فاحم و ثبات عندج من كرولاين
الكريمي : سهل الاستخدام للمبتدئين عندج من ماك و انجلونت
المسكرا : عندج من ديور اليديدة و لانكوم هابينوس
الليب ستيك ( احمر الشفاة ) و الغلوس
عندج من اكثر البراندز حلوة و دجات متنوعة
هذا الي اتذكرة لين الحين
من اذكر شي ثاني دايركت بكتبة هني
و اي استفسار انا حاضرة ^^
و طرق حط الميكب بشكل بسيط
ربي يوفقج أختي 
ساهموا في حملة "أعينوهم"
لإغاثة منكوبي المجاعة في الصومال
على قناة "نور دبي"
يومي الثلاثاء والأربعاء 16 – 17 أغسطس
من الساعة 4:00 عصرا – 6:00 مساء
و من الساعة 10:30 مساء – 1:00 فجرا
6212 اغاثة الصومال 20 درهم
6215 اغاثة الصومال 100 درهم
حَدَّثَنَا خَالِدُ بْنُ خِدَاشٍ الْمُهَلَّبِيُّ ، وَعُبَيْدُ اللَّهِ بْنُ عُمَرَ الْجَشْمِيُّ ، قَالَا :
حَدَّثَنَا حَمَّادُ بْنُ زَيْدٍ ، عَنْ مُحَمَّدِ بْنِ وَاسِعٍ ، ذَكَرَ رَجُلٌ ، عَنْ أَبِي صَالِحٍ ،
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
مَنْ فَرَّجَ عَنْ مُسْلِمٍ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ الْآخِرَةِ ،
وَمَنْ سَتَرَ أَخَاهُ الْمُسْلِمَ فِي الدُّنْيَا سَتَرَهُ اللَّهُ فِي الدُّنْيَا وَالْآخِرَةِ ،
وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ .
هذا الله يسلمج عسب يكون ويهج ملمسه ناعم بدون ماتبين حفر ومسامات ويتوزع عليه الفاونديشن
والاهم من ها كله انه يقي البشرة من الدمار على اثر استخدام الفاونديشن لووول