خوآاتي ساعدووووني صدق اعاااني من مشكلة مستعصية وابغي مساااااعدتكم.
انا وحيـــــــــــدة هالايام ، وحاسة بضيـــجة ونسيت كيف اضحك وابتسم كله مكشرة واعصابي بسرعة تتنرفز على اسباااب تافهة
مثلا اذا اختي قالتلي بنطلع بنسير مكان ونغير الجو اقولها انتي شو ما عندج سالفة وكيف تطلعين وفليل وما دري شو اطلعللها مليون عذر بس عسب ما اطلع
والله مشكلتي ساعات ما ابغي اسوي شي بس لما حد يسآالني ارد عليه ونبرتي نبرة صياح ، هم ما يتآثرون بس يقولون لي بلاج تصيحين مع اني ما ابين لهم اني اصيح بس صوتي جي يستوي ..
وغير عن جي ما دري هالايام ما ييني رقاد وكله افكر..وساعات اقول ان شاء الله بنش الفير وبصلي بس يوم الثاني انش متآخرة وصح اصلي بس احس ان يومي يستوي تعيسسس وانا احاول اكدر نفسي اقول لو انا نشيت جان ما استوا جي ..
وايد الوم نفسي على كل غلطة ، والله بسرعة أتآثر بالاشياء اللي حوالي اصلا بالاساس لا عندي راي وظروفي هي اقوى عني ،
يوم اكون عندي ضغط في الشغل ، خلاص انهار ، وما اكلم حد ، وكله احب ايلس بروحي ، الكل يتجنبني ,,في البيت ما احب اسوي شي وفي الدوام كله قلقة
والله ابغي اغير نفسي بتشوفوني الحينه بتقولون وحدة عمرها 55 لان كله عبووووووسة ..
وغير عن ان نفسيتي زفت ، صايرة مبذرة وصايرة اشتري مليون ملاااابس ولا واحد فيهم البسهم …والله عندي واايد ملابس وميك اب واكسسوراات والله لو بتسالوني بقولكم حوالي سنتين عندي وما البسهم حتى …
يت فترة حاولت اشل كل اللي عندي وافرهم ، ويوم فريتهم اشتريت يديد ، بس القهر لحد الحينه ما استعملهم بعد 
قريت مرة عن الايحاءات الايجابية ، طبقتهم لمدة اسبوع تحسنت بس رديت شرات قبل واخس مثل ما تقولون رديت لعادتي القديمة
بليز ابغي مساعدتكم ، شو اسوي عسب نفسيتي تتحسن
آستغفري وآااااااايد + عليج بآذكآر آلصبآح و آلمسآء + آقري قرآن و بعد سورة آبقرة آو شغليهآ في آلبيت آو آلسيآرة .. شووفي آلرآحة اللي بتييج ^^
خلج آيجآبية يعني فكري بشي حلووو و كل مآ تييج فكرة سلبية آنسيهآ آو آشغلي بآلج بشي ثآني ..
هذا اللي عندي و الله يفرج همج و يبدل همج لفرح كبير ^^
غاليتي 
استهدي بالله واستغفري رب العالمين
الحياة حلوة ان شفتيها حلوة
وانتي ماشاء الله عليج ماعندج أي اشكالية ليش منهمـة ^_^ !
رب العالمين خلقنا ننجح دنيا وآخرة
والتكدير على النفس ما بيساعدج في شي أختي
مارسي هواياتج بما يرضي الله ..
تقربي من رب العالمين ونوري روحج بذكر الله
داومي على الإستغفار بالبداية
وبعد اسبوع زيدي له قرآن كريم
وبعد اسبوع قيام الليل ركعتين
ومع الوقت زيدي من الكم وان شاء الله النتيجة بتبهرج ^_*
وتفاألي بالخير
رب العالمين عند ظننا به
ومشاعرنا وأحاسيسنا غالية
خليها إيجابية حتى تستفيدين منها
واذا حسيتي بضيقـة اعرفي انه الشيطان نعوذ بالله منه يوسوس لج
وانج أقوى من هذا الشي
والله عدل وعاطينا القدرة نتغلب على الوسواس لإنه عدل ومستحيل يظلمنا ويخلينا نواجه شي أقوى عنا !
قولي يالله رحمتــك واسعـــة وانت كريم
واستعيذي من الشيطان الرجيم
تأملي في رحمة الخالق عليج
في صحتج وعلمـج وأخلاقج
وان شاء الله بتقدرين النعمة الي انتي فيها
وطاقتج بتتغير 180 درجــة
والله يوفقج وينور قلبج
يزاكم الله خير