وحده من قريباتي عرسها فالصيف ان شاء الله
وعندها مشكله حبيت اعرضها عليكم هنيه
لاني واثقه اني بحصل حلووول مناسبه ومفيده
مشكلتها انها من يوم صغيرها تيلها حساسية بجسمها
وهالحساسيه عباره عن حبوب تطلع اكثر شي بايدها وبريلها
ومناطق ثانيه بشكل بسيط
طبعا هالحساسية من اسمها انها اكيد بتسبب الها حكه
وهي ماكانت تقصر تحكها لين مايطلع الدم وتتعور
المهم
هالحبوب كانت ماليه ريلها من تحت خاصه
وايدها
وللحيين مبينه اثارها
خاصه فالريل اكثر
وتعبت نفسيتها المسكينه
لدرجة انها فالملجه لبست فستان نص كم
مع ان ودها تلبس كات
بس تستحي من الاثار
وبريلهل نفس الشي
وهالفتره يزورها ريلها ويستغرب ليش ما تلبس له كم قصير
كله تلبس طويييل
وهي تنحرج من الاثار
نصحتها بتقشير من بدي شوب مانفع واايد
تستخدم ملح جسم وصابونة اغادير المغربيه وكريمها
وكريمات تقشير ثانيه
بس ماشي فايده ابدااااااااااااااا
مادري ليش
هل لان الاثار من فتره طويله وهي بجسمها صعب ترووح والا مايخصه بهالسبب؟؟؟؟؟؟؟؟؟؟؟؟
يليت لو تنصحوني عشانها بشي مجرب ومفعووله اوكي
لان عرسها بعد 3 شهور ونص تقريبا
غامضتني ومابغي حالتها بعد العرس شرات احينه
تخيلووو
بتستحي تطلع ايدها والا ريلها
لزووجهاا
كيف بتملي عين ريلهاا ؟؟؟؟؟؟ كيف وكييف؟؟؟؟
اتمنى نصيحتكم شو تسوي
ومشكووورين
اترياكم
بالتوفيق
انا يوم كنت صغيره كانت فيني حساسيه
وكنت احجها لين ما يظهر الدم
بس من كبرت خفت بس كانت تزيد عندي يوم اشل شعر ريلي او يديه بالحلاوة
انا الاثار لين الحين في ريلي
ان شاء الله عقب العرس بتنسى الحساسيه وبتسير عنها وبتنساها
لان انا بعد ما عرست ما قمت احج ريلي وايديه حتى لو اشل بحلاوة
يمكن لان هرمونات جسمي تغيرت
الغاليه هالاثار صعب تخوز
بس خليها تشقر شعر جسمها قبل ما تشلهم
وتسوي حمام مغربي
وان شاء الله الاثار بتقل
و ان شاء الله تروح الاثار ^_^