اخواتي المخطوبات المالجات المعرسات ابا شوركم! 2024.

الغاليات صباحكم خير

عندي مشكله بسيطه.. بس والله اني ما اعرف كيف افتك منها
وبغيت خبراتكم خوات في التعامل معاها..

انا بنيه مخطوبه.. وبملج بدايه الشهر الجاي, ريلي من معارفنا واعجب فيني بحفله ربيعتي وطلبنا بعدها
وهذاك الوقت طلب اننا نملج ونعرس في شهر ثلاث, طبعا رفضت لاني ابا اعرفه زين قبل لا ادبس فيه>>>> الاخت حريصه مره

عموما,, انا وهو دوم نسولف في التلفون.. هو في اماره وانا في اماره, ومتفقين على كل شي… واكتشفت فيه الشي الي يخليني اتعلق فيه, حساس وحنون ومتدين واخلاقه رائعه.. وانا منجذبه ليه لدرجه اني اعتقد اني احبه.. طبعا ما اروم اقله من هذا الكلام لانه موب ريلي.. واخاف من تبعيات العواطف من مكالمات حميمه ححس بعدها اني سويت شي غلط>> الاخت حريصه مره

عموما هذي كانت خلفيت علاقتي.. اليكم المشكله..

انا وهو تزاعلنا قبل 3 ايام والصراحه ما ادري ليش انا زودتها وضيقت الخناق عليه.. بعد ماراحت نوبه الغضب استسمحت منه وقلت له حقك علي..وهو رضى(او اعتقد ذلك)

الحين صار من ثلاث ايام وانا احاول نرد حق سوالف قبل وحاساه بارد نوعا ما.. ما يتفاعل.. مايطرش مسجات حلوه.. واتصالاته قلت 40%>> حسيبه رياضيات

وانا الصراحه وفي مرحله خطوبه ما ابا ارز ويهي زياده.. واؤمن فعلا ان بعد اي شجار الواحد يحتاج فتره نقاهه.. عسب يرجع الى سير العلاقه بكل حواسه..

ابا اعرف شو اسوي عشان استرد ريلي شرات قبل من غير ما اعطي اكثر من المفروض ..
مع العلم ان الفالنتين قرب .. وما اعرف هل فعلا يحق لي الاحتفال معه او لا..>> الاخت واايد كول

بس مثل اي شخصين حسوا بالحرمان كل ها الوقت.. اعتقد احتفال فالنتين مايضر..

ولا شو رايكم؟

يا قلبي بس نحن ما عدنا فالنتاين دي وعيد الحب ها عند الكفـار,,

الله يوفقج..

دامج ارتحتي لشخصيتة واسلوبه..
ليش ما تسرعون في الملجة !!؟
تجنبي المشاكل وخلج ثجيله ..
بعدكم في فترة الخطبة ..
وسالفة الفالنتاين أساسا حرام..

فكري فيها ..
والله ايسر أمورج..

خلاص الفلنتاين وكنسلناه

وسالفه الملجه ما اروم استعجلها لان هو الي يبا يستعد للسالفه ماديا, وينطر ابوه يرد من السفر

شكرا خوات لرايكم.. بس للحين ما حليتوا مشكلتي

شافج في حفلة اربيعتج وانعجب فيج؟؟

وانتو مخطوبين .. مش مالجين !! ومتواصلين ..!!

و فالنتيان مناسبة تخص اليهود وغير المسلمين !!! ونحن عسب نهدى اللى نحبه هديه او كلمه طيبه مش محتاجين ليوم محدد …

اول شي .. ماعتقد انج مواطنه صح ؟ لن نحن ماعندنا هالعادات !!!

نصيحتي لج .. ابتدي حياتج معاه صح …

يعني مايصير ترمسينه وانتي مش على ذمته !!!!!!!!

ومايصير تحتفلين بالفلنتاين ..

الانطباع الاول لكل من الزوجين عن الثاني يكون اقوى انطباع .. فانتبهي للخطوات الاولى .. ولا تخلين الشعور بالحرمان ونقص الحنان ..يسحبج لبداية خاطئه ..

اتمني انج مازعلتي من كلامي ..هذي وجهة نظري .. والله يسعدج ويوفقج ..

وليش الزعل

كلامج احطه على راسي وواقعي

وانا موب من الامارات بس والده فيها

وعندنا.. عادي الشاب والبنيه يرمسون بعض دام بيعرسوا..ضروري عندنا التوافق..

اعرف عادات هل الامارات غير..

شكرا الغاليه

الله يوفقج الغالية