عفوا بس بغيت أستفسر عن الولادة في مستشفى دبي الحمرية من ناحية الغرفة الفي اي بي وأرجوا أن تكون التجربة حديثة نوعا ما
يخلون البيبي عندج ع طول ولا ممكن ياخذونه إذا طلبتي ؟؟
وإذا البيبي يتم في غرفة الام هل ممكن يسون له كل شي إذا نادتهم الام يعني تبديل حفاظات أو ملابس وغيره؟؟
شو مستوى الخدمة عندهم ؟؟
غالبا ما بيكون وياي مرافق عشان جيه أسأل فأرجوا افادتي بتجاربكم .. هل برتاح عندهم ولا لا بدون مرافق
وأخيرا شو الاسعار ؟؟
شكرا جزيلا
الغرفه بـ 2000 لليله الوحده وشي غرفه فالجناح الملكي بـ 3000 لليله الوحده
انا طبعا بت فالغرفه الـ بـ 2000 الخدمه ممتازه انا طبعا كان ويايه مرافق
بس طبعا انا بروحي سويت كل شي لاني ماحب الممرضات ياخذون مني عيالي
اتم احاتي
باجي التفاصيل والله ماعرف اذا في مجال هم يجابلون ولا
انا اجابل عيالي بروحي حتى بالليل انتي بأمكانج تروحين للقسم بيكون فالطابق (11)
وتقدرين تستفسرين عند الاستقبال وبنفس الوقت يراوونج الحجر كيف
بخصوص قيمة الغرفه حتى لو كملتي 24 ساعه وفوقهم ساعه زياده راح ياخذون منج
مبلغ يوم كامل يعني بتي ليله 2000 وعقب ماكملتي 24 ساعه وطلعتي بعد 25 ساعه
راح تدفعين 4000 لانهم بيحسون انها ليلتين لانج طوفتي الـ 24 ساعه اتمنى فهمتي عليه
وانا كنت ابي اعرف عن غرف الفي اي بي .. وثانكس للي حطت التفاصيل ..