عندي اسئلة لكل الامهات اللي يداومن؟
شو كان شعورج اول ما اشتغلتي وخليتي ولدج او بنوتج في البيت؟؟
هل كنتي متحمسة للدوام؟ ولا كنتي بين وبين
عند منو خليتي ولدج؟
شو اللي تغير في حياتج وحياة ولدج..؟؟
هل ارتحتي من الدوام. وهل مازلتي مرتاحة
.؟؟ شو اللي تغير في ولدج او بنتج يوم خليتيه؟؟
هل تحسين بتانيب الضمير او التقصير احيانا..؟؟؟
والحين لة خيروج بين الوظيفة والبيت شو تختارين…
هل ندمانة ولا مستانسة على الوظيفة
اتمنى لو كل ام تطرح تجربتها عشان تفيد ونستفيد…
عادي لأن مطمنة عليه
هل كنتي متحمسة للدوام؟ ولا كنتي بين وبين
كنت وايد متحمسة للدوام لاني حبيته
عند منو خليتي ولدج؟
عند عمتية الله يحفظها ويطول فعمرها لانها ماترضا الخدامه اتسويله اي شيء سواء سبوح والا الرضعه والا اي شي غير الحمدالله
شو اللي تغير في حياتج وحياة ولدج..؟؟
في حياتي دخلو ناس يداج طبعا وكونت لي علاقات حلوة بينهم وتجارب يديدة في الحياه واستمتعت بالشغل
هل ارتحتي من الدوام. وهل مازلتي مرتاحة.؟؟
الحمدالله مرتاحه بس لازم مطبات الحياة اتمرين فيها خصوصن اللي ماعندة تجارب كافية
شو اللي تغير في ولدج او بنتج يوم خليتيه؟؟
بنتي فديتها اتعلقت فكل حد يعني الكل صار لها ام عادي ارتحت ومارتحت في نفس الوقت قمت اغار هههههه
هل تحسين بتانيب الضمير او التقصير احيانا..؟؟؟
لا الحمدالله
والحين لة خيروج بين الوظيفة والبيت شو تختارين…
أكيد اختار بيتي ثروتي في الحياه الله يحفظهم والدوام يتعوض
هل ندمانة ولا مستانسة على الوظيفة
الحمدالله الله اكرمني اوفق بين البيت والزوج والعيال الحمدالله نعمة من الله
هذي تجربتي وحبيت الكل يستفيد منها
انا كنت اشتغل قبل لا اييب بنتي ..
هل كنتي متحمسة للدوام؟ ولا كنتي بين وبين
ما كنت اعرف شو بسوي هل بقدر اوفق بين الدوام وتربية البيبي ولا ما بقدر .. وكنت وااايد خايفة على بنتي ..
عند منو خليتي ولدج؟
ما عندي حد اخلي عنده البنت غير البشكارة ..
شو اللي تغير في حياتج وحياة ولدج..؟؟
حياتي كانت متطربة كنت اداوم اشوي وارد البيت اشوي .. وااايد متوترة ..
هل ارتحتي من الدوام. وهل مازلتي مرتاحة
.؟؟
استقلت على طول .. ما طولت على هالحال ..
شو اللي تغير في ولدج او بنتج يوم خليتيه؟؟
ما ارتحت طبعا على الوضع ..
هل تحسين بتانيب الضمير او التقصير احيانا..؟؟؟
بعد الاستقالة طبعا لا .. لاني على طول ويا بنتي الله يخلها لي …
والحين لة خيروج بين الوظيفة والبيت شو تختارين…
اخترت بيتي وعيالي وتربيتهم ..
هل ندمانة ولا مستانسة على الوظيفة
المشاركة الأصلية كتبت بواسطة ام*الحلا* 