شخباركم بنات عساكم بخير وصحه وعافيه إن شاءالله ….
عندي سؤالين وياليت ذوات الخبره واللي عندها معلومه تساعدني وأكون شاكرتنها جزيل الشكر … لأن مابقى على ولادتي غير كمن يوم إن شاءالله …
السؤال الأول
شرب الماء بكثره بعد الولاده ….. بكثره بكثره لدرجه مو طبيعيه في الليل لازم الماي عند راسي وأول ما أقوم الصبح ماي وطول فترة النهار يكون في فمي كل 10 أو 15 دقيقه بدون أكل …. لحد ما يات خالتي وقالتلي لا تشربين الماء وايد لأنه بيسويلج نفخ في البطن … وإنتي توج مربي والبطن كله فاضي وكله مترهل والماء يساعد على نفخه ….. هل هذا الكلام صحيح …؟؟؟!!!
والسؤال الثاني …إنتو تدرون عن أهالينه في فترة الأربعين لازم يكون الأكل دسومه ودياي وسمج ولحم وسمن وبهارات وغيره وكله أكل دسم في دسم على ما تقول أمي لازم يكون الأكل صحي عشان يرجع جسمج مثل لول وأحسن …. يا ترى هل هالكلام صحيح ولا إنه خطأ ويمتن …. ويكبر الكرش
ياليت تفيدوني خواتي وأكون شاكره لكم جزيل الشكر
وإدعولي إن شاءالله رب العالمين يسهل ولادتي ويرزقني الذريه الصالحه ويكونون بصحه وعافيه يارب …. آآآمين يارب العالمين
نورتي وياليت حد يفيدنا
يسهل ولادتج ويرزقج الذريه الصالحه ويكونون بصحه وعافيه يارب ….
آآآمين يارب العالمين
طبعا كل وحده تولد ترجع كانها ما حملت .. انا توني حامل وهم حملن وولدن قبلي
ما ياكلن شي في زيت اكلهن يكون خاص دجاج مفوح مع خضره سمج مشوي وسلطه .. يستخدمن تبع شد وما شد للجسم وكريمات
وخل التفاح طبعا عند راسهن كل ما يسبحن وغير وغير اما عن الماي اشوف امي تشتريلهن عصاير ..
هذا اللي اعرفه