التصريح الأمني أو security clearance 2024.

السلام عليكم بنات
انا قاعدة أمر بمراحل التوظيف الحمدالله .. و خلصت كل أوراقي من الفحص الطبي إلى حسن السيرة و السلوك !!

ولكن السؤال هو انه بعد ما يبت كل الأوراق و الاشياء المطلوبة قالولي ما توقعين العقد لين يطلع التصريح الأمني !

فهل التصريح الأمني ياخذ وقت واايد؟
و هو غير عن حسن السيرة و السلوك الي اصلا طلعتها و عطيتهم ياها ؟

افيدوني الله يجتازيكم الخير لانه مرت فترة اسبوع و نص تقريبا و مااتصلو فيني

و للعلم فقط اني بتوظف في بنك ..
وشكرا و السموحة على الأطاله..!

وينكم .. بليز ردو علي

موفقه الغاليه.. اختج @مبدعه@

موفقه

مبروك اختي على الوظيفة
التصريح الامني يختلف عن طلب حسن سيرة وسلوك
الموظف بعد ما يخلص الفحص الطبي وحسن سيرة وسلوك يطرشونهم للأمن
تختلف المدة حسب الزحمة عند الامن ساعات يخلصها في 3 ايام وساعات في 3 اسابيع
يعني المدة اللي اترييتيها عادي جدا ولا تحاتيين
وموفقة قلبي

حبوبة التصريح الأمني يجري على كل موظف. راح يعمل سواء خاص أو حكومة

يأخذ وقت أوقات نفس ما قالت الأخت

أوقات يكون في تشابه في الأسماء أو أشياء ثانية. وبعد ممكن يكون في معاملات ثانية متقدمة معاج

الله ييسر لج أمورج

موفقة إن شاء الله