عندي مشكلة و ياليت الاقي الحل عندكم
ظهرتلي في اصبعي الوسطى في اليد ثآليل كأنها حبوب و للعلم انها ظهرتلي من قبل سنة تقريبا و تعالجت منها و كانت بس ثألولة وحدة و الحين اتخيلو ردت بنفس المكان و معاها 3 ثاليل ثانية غير الحبوب الصغيرة الي بعدها ما نمت
هل هذي الثاليل ممكن تتعالج و ما ترد مرة ثانية ؟؟ في وحدة منكم صارتلها نفس الحالة و ياليت يا بنات تعطوني اسم دكتورة زينة اسيرلها و تكون في جميرا او قريب من جميرا
أو اللي يمشي حافي في مكان فيه هذا الفيروس يصاب به،
وطبعا في اسباب أخرى، لكن العلاج عند الطبيب يكون عن طريق النيتروجين البارد وايد،
لدرجة الحرق، ويبغيله جلسات مب مره وحده، والمعروف أن الفيروس ماله علاج،
مب مثل البكتيريا تاخذين مضاد ويخوز، لكن بقولج شئ، أعرف وحده كانت بنتها تعاني من هالشئ
تعرفين شو اللي ياب نتيجة ؟!!!! الفيتامينات نعم الفيتامينات، لان الجسم لما تضعف مناعته تنشط الفيروسات، فعليج
بالفيتامينات < ملتي فايتامنز> كل يوم حبه وبتشوفين النتيجه….. وربي يعافيج
تدرين انه يعادي ؟؟؟؟؟
مره كنت احاول اقص الثالوله وماشوفها الا طلعت في صبعي الثاني
وتصدقين ماخليت شي وكانوا وايد والله عادي يوصلون 7
وامي تقولي احرقيهم نحن قبل جي نسوي واتم اصيح ماطيع
كنت اخاف
بس تعرفين شو يبت جي نفس لزق في الصيدليه مال الثالول وحطيت عليهم وقام هاللزق ايشل اليلد
بعدين خفت
قلت بسمع كلام امي يمكن فيه فايده وخص انهم الأوليين جي يسووون
قمت ايييب الجبريت واشغله واول مايبند احطه وهو حار خخخخخ
المفروض قبل مايبند بس انا ااخاف
وكنت بعد اييب القراضه واحاول اقص راس الثالول " يكون اليلد ميت "
والله بعد فتره راحووووووووا بروحهم ولين الحين ماعرفت من شو راحوا بالضبط ؟؟؟
لاني ماخليت شي ماجربته خخخخ
فاانتي جربي وان شاءالله تفتكين منهم
سيري
بيب جلديه عندهم جهاز صغيرون بلحظه يكوي الثالول ولاتحسين فيه
يترك اثر احمر يختفي بعد كم يوم
انا كان بوجهي تخيلي وشليته بهالطريقه ولا رجع بعدها ابدا
انا بنتي كان فيها ثواليل وهي صغيره يوم وديتها الدكتوره قالتلي حرام اتسويلها كوي او النيتروجين وعطتني مرهم بس انا ما استخدمت المرهم قالو انه ما ينفع عقب فتره بيرجع
وآخر شي حميتي الله يزيها خير نصحتني بالقرايه وقريت على ثالول بنتي وخاز سبحان الله 3 مرات قريت عليه والحمدلله
كنت اقرا اية الكرسي والمعوذات واقرأ هاي الايات من سورة القلم (( سنسمه على الخرطوم .(16)……………….فتنادوا مصبحين(21)
تقرين هاي الايات سبع مرات وانشاءالله بيخوز بس لا اتمين تطالعينه خلال هاي الايام واتيقني انه الله بيعافيج بالقررآن
و انشالله بجرب كل الحلول لين افتك من هذي الثاليل
تسلمون ما قصرتو