[السلام عليكم
خواتي انا حامل فالشهر السابع اقدر اسوي حمام مغربي يليت اللي تعرف تفيدني
والسموحه]
خواتي انا حامل فالشهر السابع اقدر اسوي حمام مغربي يليت اللي تعرف تفيدني
والسموحه]
ان شاءالله الخوات اللي مجربات أو عندهم خبره يفيدونج..
والله يالغاليه نحن بعد عندنا عرس … وانا في بداية السادس
بس مانصحوني فيه … اونه مب زين لانه درجة حرارة الجسم ترتفع وهب زين حق البيبي
تقدرين اتسوين في التاسع بس اتخففين البخار
الغاليه فكري فيها بينج وبين نفسج هل هو مضر او للجنين او لا ؟؟
اكيد حمامات الساونا و البخار و الحمام المغربي و غيرة مضره لانها تسبب اختناق للحامل و البيبي ,,,
وفي معلومه قريتها من فترة عن الحمام المغربي .. ان في مجال تشترين العدة واتسوين لنفسج في البيت ( لأن الصابون طبيعي ومافي مضره ) بس المضره في البخار وفي البيت احسن لانه ما يكون في بخار ونصيييحه لا تفركين البطن وايد << لأن بيسبب لج تشققات بعد الربى ..
حتى مره كنت في الصالون ووحده يايه تسأل عن الحمام المغربي تبغي اتسوي وكانت حامل وراعية الصالون قالت لها مانسوي حمام مغربي للحوامل لأن في خطوره عليهن ومانقدر نتحمل المسؤوليه ..
وان شاء الله اصحاب الخبره بيفيدونج اكثر …. 
ممنوووووع منعا باتا للحامل
اللهم في الشهر الاخير لانه يسهل الولادة
انا سويته يوم كنت فالثاث والسادس والحين بعد بسويه اساسا اللي تسوي الحمام المغربي ما تحطلي بخار بس دقيقتين وتبنده والمغربيات دوم يسون حمام مغربي طول فترة الحمال وما صابهن شي عادي بس الاهم انج تخففين البخار