الله يرزقكم الجنه ويوفجكم يارب خواتي ساعدوني بليز 2024.

السلام عليكم والرحمه

اشحالكن خواتي عساكن ابخير وسهاله

انا مالجه من فتره بسييييييييييييييييطه جدا جدا وابى اهدي زوجي ف هالعيد هديه طبعا اهيه اول هديه اني وي ابى مكان لتنسيق الهدايا بشكل راقي ومميز ف ابوظبي هيه وبعد اذا عندكم فكره غير فكرتيه واهيه مجموعة عطور اشرايكم ف الهديه ..هيه وبعد محتاره شو اكتب له بالبطاقه..

اني وي لاتطنشوووووووووون وادريبكم ماتقصرون ..

اولا ما اعرف محل لتنسيق الهدايا
ثانيا حطي عطور واقرح انج تحطين ساعة رجالية ماركة بتحصلينها عند باريس غاليري
ثالثا البطاقة في بطاقات يبيعونها عند محلات الورود
رابعا ني للكتابة في الداخل ، طرشيي للبنات الليي المنتدى عشان يصممون لج بطاقة على ذوقج
ودوري في المواقع اي شعر للعيد وخليهن يصممن لج بطاقة

وهاللي قدرت عليه و السموحة على القصور
اختج شرجاوية للأبد

عطور ولا ساعه ماركة
ولا دهن عود وعود
ولا قلم ماركة ومعاه طقمه من بوك وميداليه..

وهالأشيااء تأخذينهن من باريس غاليري حتى لو زدتي دهن العود عاادي يرتبون لج الهدية حتى اذا شي زياادة من عندج ترتيب باريس غاليري يجننن عليج فيهم؟؟

في بوظبي مول محل تغليف الهدايا اسمه ( بريمومون) الطابق الاول بجانب محل تهاني الخليج للبطاقات

بالنسبة للهدية ……..العطور حلوة بس المحفظة او ساعة او قلم او روب رجالي احلى واحلى
بالنسبة للمحفظة والساعة او القلم محل محل في بوظبي مول بنات ساعدوني اسمه بلاك اند شو؟؟؟؟؟؟؟هي اتذكرت …..بلاك اند مونت عند اشيااااااء وايد حلوة للرجال وهداياهم
بالنسبة للروب اقصد المنشفة الرجالية ولا احلى بالدانة بلازا
وكلها اطقم رجالية ماركة …. مثل فالنتينو

هلا
انا يوم كنت مالجة سويت شي فظيع تعرفين شو كانت اول هدية كان عيد ميلاده

سئلت اخته عن لون الاثاث في غرفته وخذيت كفر بني في تسع قطع كان فخم وايد
وسئلتها عن لون الجدار كان لونه بيج وخذيت له لوحة بنية وساعة حائط كبيييرة وفخمة وطبعا اعرف قياس طوله وخذيت له جلابية نوم وغلفتها وسئلته في التلفون شو انواع الشكولاته الي يحبها طلع نوعين خذيت له كرتون من كل نوع وغلفته وخذيت ورد مجفف وسويت كيكة اكبر حجم 5 كيلو عليها صورته وشعر وخذيت بعد تلفون هالديزانات القديمة اللي تنباع الحينه وركبته بدل التلفون العادي
نسقت مع خواته البنات في وقت ما يكون فيه في البيت وفعلا اتصلو فيني في نفس يوم ميلاده وقالولي انه طلع
سرت دخلت الغرفة اول شي فرشت الكفر وحطيت المخدات وكل شي بعدين نثرت ورد مجفف على الكفر وحوالي السرير عالارض
علقت اللوحة عالجدار والساعة بعد
ركبت التلفون وشلت الجديم
حطيت الهدايا المغلفة على طرف السرير في الزاوية
وحطيت الكيكة وسط السرير وعليها الشموع وعطرت الغرفة

اما في الصالة سويت عيد ميلاد صدق يبت كراتين بيبسي وبيتي فور وحلويات ومشاوي وفطاير وسوينا انا وخواته وخواتي حفل عشاء الحاظرين فيه اهله واهلي بس يوم وصل ولعت الشموع وقعدت في الغرفة ان واخته واتفقنا انه ما يحس بشي في الصالة المهم دخل الغرفة يبدل شاف تغييييييير في كل شي 360 درجة ولا كانها غرفته وعقب تعشينا ولين الحين يذكر هالحركة ويستانس عليها

اعتقد اني كفيت ووفيت

الله روووووووووووووعه الحركه ميثاء الصراحه انا اتخبلت على المفاجأه ومابالج ريلج اظن في هاليوم كان يوم السعد والهنا والرومنسيه يابخته فيج والله فكره وحلووه

هذي هيه هدااايا الرياااييل..

محدوده للأسف..

وماقصروا الأخواات