اشحالكن خواتي
عساكم بخير وسهالة يا رب …
الغاليات بغيت أستفسر منو سوت عملية الليزك ؟؟
وين سويتوها ؟؟ و شو حسيتوا النتيجه ؟؟؟ وكم كلفتكم العملية ؟؟؟
وجم عطوكم اجازة ( للموظفات ) ؟؟ وشو الأشياء اللي قالولكم ممنوع تسوونها بعد العملية و قبل العملية .؟؟؟
و الله يعافي كل مريض ..
أنا محتاره بين ثلاث مستشفيات .. المغربي و الزهراء والامارات الدولي ؟؟؟
شو تشورون علي ؟؟؟
جربي عندهم يقولوون يشوووف اوكي الحين
وعقب العمليه اتمين راقده تقريبا يوومين في البيت واذا بتطلعين شي ضروري عندج لازم تلبسين نظاره سووده عسب تحمي عينج من شمس لمده اسبوع تقريبا عقب عادي واول ما تسوينها بتحسين بصداع
وحاسه انج تبين ترقدين
ان شاء الله اكون افدتج
المشاركة الأصلية كتبت بواسطة rahaf777 
يسلموووووووو حبوبه ….
المشاركة الأصلية كتبت بواسطة fetoon المشاركة الأصلية كتبت بواسطة fetoon وعقب العمليه اتمين راقده تقريبا يوومين في البيت واذا بتطلعين شي ضروري عندج لازم تلبسين نظاره سووده عسب تحمي عينج من شمس لمده اسبوع تقريبا عقب عادي واول ما تسوينها بتحسين بصداع
وحاسه انج تبين ترقدين
ان شاء الله اكون افدتج
مستشفى دبي ؟؟؟ غريبه أول مره أعرف انهم يسوون ليزك في مستشفى دبي ؟؟
بس ما عمري سمعت حد سوى وياهم ؟؟ أخاف اجازف بصراحه ؟؟
أبا شي مضموووون ؟؟
أنا اتصلت بمستشفى الزهراء في الشارجه وقالولي انه العملية تكلف 7000 أو 7500 و اني بشوف مباشره عقبها وبمارس حياتي الطبيعيه عاااادي جدا ؟
واتصلت في الامارات الدولي وقالولي انه دكتور العيون مب موجود خلال هالفتره وموقفين ما يسوون اي شي يخص العيون حاليا ؟؟
واتصلت المغربي وقالولي انه العملية تكلف 10000 و انهم بيعطوني اجازه عقبها 5 ايام واقدر امارس حياتي الطبيعيه عادي جدا ؟؟؟ يعني نفس الزهراء ؟؟ وانه الجراحه تستغرق لكل عين عشر دقايق بس ؟؟؟
ما أدري والله خايفه ومتردده لأني ما اعرف حد مجرب ؟؟؟
أفيدوني بارك الله فيكم ؟؟
فديتج انا سويت عمليه انترليزك في رؤيه دبي ب 15 الف واختي سوت وياهم ب 13 الف بس الاجازه ما اعرف كم بيعطونج ( تميت فالعملي 15_20 دقيقه ) شرات يوم تسيرين عند دكتور الاسنان والحمدلله ارتحت من العدسات والنظارات قبل ما اسير العمليه لازم يعطونج 3 قطرات فعيونج بس بين فترات مب كلهن مره وحده وعقب ما بتشوفين شي لازم حد يدلج وين الدرب ههههه وعقب وما تخلصين من العمليه بيلبسونج نظاره وسيري البيت رقدي اشوي عشان يرتاحن عيونج عقب قومي بتشوفين الدنيا شحلاتها بدون نظاره ولا لعوزت العدسات وبتمي فتره تحسين بجفاف فعيونج بس لازم يعطيج قطره عشان الجفاف والاضاءه القويه بعد شوي بتلعوزج واحمرار فالعين هذا كله بيتم بالكثير اسبوعين وعادي تصلين عادي ودخون بعد عادي بس لازم اتمين يومين على الاقل ما تغسلين عيونج بس تمسحين عليهن … وانا الحين من سنتين تقريبا مسويه العمليه والين الحين الحمدلله وماشالله عيوني اوكيه …. سوري ع الاطاله وانشالله اكون نفعتج واي استفسار عن هالعياده طرشيلي ع الخاص