انا الحمد لله ولدت واحينه كملت شهر ع ولادتي والله رزقني بولد سليم ومعافى
بس في الولادة اتلعوزت اشوي وابى اللي مرت بنفس تجربتي تفيدني
اول شي بخبركم انها هاي اول ولادة لي وكانت بمستشفى دبي
اللي صار اني قبل الولادة دخلو فيني بيب 3 او 4 مرات عشان يسحبون البول من مثانتي لنهم قالو الجنين مابينزل دام مثانتي مليانة
بس المشكلة انه للحين هالمكان يعورني وايد خاصة يوم اكون نايمة او ياسة وبعدين اوقف
والله متلعوزة
حتى لمن اروح الحمام (اكرمكم الله) عشان اقضي حاجتي اتعور
يا ريت تنصحوني اللي تعرف عن هالشي،، شو الحل؟ هل بيخف اشوي اشوي مع الأيام وللا كيف؟
وثاني شي عن الخياطة؟؟ انا للحين خياطتي ما طاحت وللحين اتعورني وااايد مع الحركة واليلسة وجي
اللي خايفة منه اني بخلص الاربعين وللحين خياطتي ما طاحت؟ ف كيف بتصرف مع ريلي وقت الجماع؟
لني اسمع ان الناس اتطيح عندهم الخياطة خلال 20 يوم او شهر بالكثير وانا كملت شهر بس للحين
ياريت اتعلموني من خبرتكم اذا في شي يخلي الخياطة اتطيح بسرعة او تطيب قبل لا اخلص الاربعين
وثالث شي بسألكم عنه هو ازالة الشعر من هذيج المنطقة؟ كيف؟ عادي انشيله بالحلاوة وللا مب زينه للخياطة واحسن نحلقه؟
ادري طولت عليكم…
يزاكم الله الف خير
انا سحبوا عني (( عزكم الله )) البوول في ذيج المنطقة يوم سوويت حادث.. يعني قبل لا احمل وما كان يعورني بعدها ..
والعوار اللي تحسين فيه عوار الخيااطه .. وانا من كملت شهر طاحت عني الخياطه .. لاني ماكنت اتودن بفترات طويله بماي وملح ..
انتي حطي الملح الصخري واتودني تقريبا نص ساعه او اكثر وحطي اكثر عن قطعه ملح وان شاء الله بطيح
وعن ازاله الشعر ..المنطقه اللي تحت حلقيها بموووس احسن لج
ثانيا بخصوص الانبوب اللي تتكلمين عنه يمكن صارلج التهاب فالبول ولازم تروحين العيادة وتسوين تحليل عسب تشوفين اذا صارلج التهاب والا لانه هو الاغلب يكون مسببلج هالالم
وثانيا بخصوص الخياطة على حسب في ناس اتم عندهم اسبوعين واطيح وناس اطول عندهم فعادي هذا الشي مامنه خوف اهم شي العنايه فهالمنطقة وانها تكون على طول جافة
وسلامتج
الله يعافيج إن شاء الله و ما اتشوفين شر .. و مبارك عليج النونو
وبالنسبة لازاله الشعر نصيحة لا تشيلينه بالحلاوة لاني بعد الولاده شلت بحلاوة واستوالي حبوط بالرحم ويالله 6 شهور اللين ارتفع رحمي
بالنسبه للخياطه المفروض اتسويين حمام دافى بالملح وتقعدين فيه يعنى عشر دقايق وعقب اتجففين المنطقه وويع الخياطه يختلف من وحده لثانيه
بس اهم شى تراجعين عند الدكتوره عشان الويع
والله يشفيج يارب ومبرووك على البيبى ويتربى فى عزج وعز ابوه ان شاءالله